TOG.WAJAALE (Wajaalenews)-Kooxda kubada cagta Sagal Jet ayaa maanta ku guulaysatay koobkii ramadaanta ee ka socday magaalada wajaale.
Ciyaar xiisa badan oo dhex martay labada kooxood ee Sagal jet iyo dhamac building ayaa ka dhacday garoonka magaalada wajaale waxaana kasoo qayb galay masuuliyiinta degmada wajaale iyo taageerayaal tiro badan.
Waxaa markii ciyaartu bilaabmatay dardar xoogan oo weerar ah ku bilaabay kooxda Sagal jet iyadoo ciyaartu ahayd mid aad u xiisa badan oo weerar iyo weerar celis ah.
Ugu danbayntiina waxay ciyaartu kusoo idlaatay 2-0 Oo ay guushu ku raacday kooxda sagal jet oo markii shanaad oo isku xigta ku guulaysatay koobka ramadaanta ee magaalada wajaale waxaana dabaal deg xoogani uu kasocdaa magaalada wajaale oo ay ka dhigaaan ciyaartooyada kooxda Sagal jet iyo taageerayaashooda waxaana guushaa ay gaadhay kooxda Sagal jet hormuud ka ahaa Abdi yuusuf oo ah mulkilaha kooxda sagal jet iyo masuulka shirkada sagal jet qaybteeda wajaale abdi yuusuf waa masuul markasta garab taagan kooxda ku ciyaaraysa magaca.shirkada sagal jet isagoo kula guulaystay shan koob oo xidhiidh ah.
