PUNTLAND: Ka Rogoo Hadana Saar
“Dhaqanka Somalida qof kastaa waa ku marti guri kasta oon ahayn gurigiisa. Soomaalidu waa shan guri nin maamuli kara guri aan kiisa ahaynina ma jiro. Cali Ciise Cabdi Puntland maaha gurigiisii ee bal aan sugno hadii la doorto sida uu wax yidhaa. Kolay dan ugu jirta reer ahaan Dhulbahante anigu ma arko wax kalena soo kordhin maayo ee dad siyaasad ahaan marka horeba qaybsanaa ayuun buu sii qaybin doonaa. Khatarta ugu waynina waa in carro Dhilbahante u rogo goob dagaal isaga oo Majeerteen ay dabada ka soo riixayaan. Markaa insha Allah noqon maayo Cali Ciise Cabdi Madaxwaynaha Puntland.
Reer Puntland oo soomaalida kala dilaalidooda aad ugu xarfaan ahi tollow turbikii ma dib bay hadana u baandhaynayaan? Inteese in le’eg ayay gacan ku leeyihiin dagaalada ka qarxay gobolada dhexe? Inna ma u gurman doonaan tolkood mise waaba halkii ay la rabeen Mareexaan weligoodba? Caqligoodu ma wuxu noqday Mareexaan iyo Dhulbahante labadaba inay dab lugaha u geliyaan iyaguna sheeda ka daawadaan? Maxayse colaad dhan kasta ka xigta ku falayaan miyay hubaan inay ka nabadgeli doonaan?
Siyaasi Cali Maxamed Yuusuf (Caliguray)