Hargeysa(W,N)-labadii habeen ee u danbeeyey ayaa dhalinyaro kooxo ah iskugu laynayeen xaafadda Xero Awr ee magaalada Hargeysa.
Waxaana dhalinyaradan oo hubaysan ay laba kooxood iskugu laynayeen xaafaddaasi,iyaga oo khasaare kala duwana is gaadhsiiyay.
Sidoo kalena dhalinyaradan is laynaysa ayaa waxay dhaawacyo soo gaadhsiiyeen nin ganacsade ah oo tukaan ku haysta xaafadaasi,iyaga oo iyaga laftooduna ay dhaawacyo is gaadhsiiyeen.
Ciidamada Booliska caasimada Hargeysa ayaa labadii habeen ee u danbeeyeyba,waxay heegan culus u galeen soo qab qabashada dhalinyaradaasi kooxaha isku laynaysay,iyaga oo qaar kamid ahna xabsiga u taxaabay.
Shacabka xaafadaasi ku nool ayaa waxa soo food saartay cabsi wayn,iyaga oo tahli kari waayay inay suuqa usoo baxaan si ay usoo fushadaan hawlaha ay u baahan yihiin.