Maxay Xambaarsanayd Fariintii uu Gudoomiye Muuse Biixi u Gudbiyay Shacabka S/land Imisa Jawaabood Oo Madaxwayne Siiraanyo Laga Sugayay Ayuuse ka furtay.
HARGAYSA(Wajaalenews) Waagii baryaaba waayo lehe waa maalin Salaasa ah oo Taariikhdu tahay 22/9/2015 waxaan sidii caadadu ahayd u toosay gudashada waajibaadkayga ee shaqo ee Suxufinimo waxaanan ka mid noqday koox wariyayaal ah oo Qasriga
Madaxtooyada S/land u tagtay si ay u baahiso Shirka Jaraaid oo si wadajira u wada qabanayaan Gudoomiye Muuse Biixi iyo Madaxwayne ku xigeenka C/raxmaan C/laahi Saylici Jawiga madasha ayaa ahaa mid xasuustiisa leh oo Araga iyo Maqalkaba ku cusbaa waana markii koowaad oo shaqo Qasriga Madaxtooyada S/land ka socota aanay ka dhex muuqan Golaha Wasiirada Madaxwayne Siiraanyo
Waxaase iswaydiin mudan muxuu daaraa maxayse xambaarsanayd Fariintii uu Gudoomiye Muuse Biixi u gudbiyay Shacabka S/land imisa Jawaabood oo Madaxwayne Siiraanyo laga sugayay ayuuse Gudoomiye Muuse Biixi ka furtay
Ugu horaynse waxaa iswaydiin mudan Ma u rumoobi doontaa Gudoomiye Muuse Biixi Waqtigaa uu cayimay ee qabashada Shirka Golaha dhexe ee Xisbiga Kukmiye oo sida uu sheegay Madaxwayne ku xigeenku Xeerka Xisbiga Kulmiye Awood u siinayo in uu Gudoomiyuhu mudada cayimo
Waa Barito iyo Bil danbe waan ka war sugaynaa in ay sidii lagu yaqaanay mar kale dib u dhaco Shirka Golaha dhexe ee Xisbiga Kulmiye iyo inuu qabsoomo waqtiga Gudoomiye Muuse Biixi cayimay ee ah 10/11/2015
Sidoo kale waxuu Gudoomiye Muuse Biixi Weedho dheeldheela oo tilmaamaya in uu raali ka yahay ka yidhi wareejinta Haamaha Kaydka SHidaalka oo khilaafkii ka dhashay buuq ka abuuray Gacan ka hadal ka gaadhay SHir gudoonka Golaha Wakiilada
Sidoo kale waxuu Gudoomiye Muuse Biixii ku bakhaylay in uu ka hadlo xadhiga Suldaan Mawliid Sabayse oo gaf iyo meel ka dhac ku ah milgaha dhaqanka
Dadka ka faalooda arimaha Siyaasada ayaa ku macneeyay in Shirka Jaraaid ee Gudoomiye Muuse Biixi ujeedadiisu ahayd mid lagu jihaynayo Bulsho waynta S/land iyadoo la marin habaabinayo Dhacdadii foosha xumayd ee ka dhacday Aqalka Golaha Wakiilada S/land
Guntii iyo Gabagabadii waxaa Maanka iyo Maskaxda Bulsho waynta S/land mudo badan ka bixi doonin Jawaabtii Madaxwayne Siiraanyo laga sugayay ee Suldaanka Guud ee Beelaha Habar Yoonis SUL Maxamad SUL Xirsi Qani ka waydiiyay in uu ka Jawaab mugleh ka bixiyo Boobkii ee Hogaaminta Golaha Wakiilada ku qabsaday Gudoomiye ku xigeenka Baashe isagoo Gudoomiye Ciro goob Jooga waxaase xasuus gaara mudan Gudoomiye Muuse Biixi oo Jawaabtii laga sugayay Madaxwayne Siiraanyo isagu ka furtay isagoo Suldaanka ku tilmaamay Qoor waynta taageerayaasha Xisbiga Wadani balse waxaa iswaydiin mudan ma qancin doontaa Suldaan Maxamad Xirsi Qani iyo Bulsho waynta S/land waxaanse faalada idinkusoo afmeerayaa Maanaso aan ku tilmaami doono Xeeladaha ku qarsoon shirka Jaraaid Gudoomiye Muuse Biixi
Murti weeyi culusoo
Madaxwayne curiyoo
Ha cabiro kaskiisee
Waxuu yidhi cawaalow
Casribaa la joogaa
Cirka sare la gaadhoo
Cakiskay ku darartaa
Cawajkaan u taliyaa
Mar kastoo culaysiyo
Cabsi badan dareemoo
Xisbiyadan canaadka ah
Canaantoodu badatoo
Cudud ay is moodaan
Badi kama cadhoodee
Dadka waan cameeyaa
Ciyaarbaan bilaabaa
Cimri dhererka keentoo
Cilmi waayo aragoo
Calooshaa ku haystaan
Cashar qudha ka bixiyaa
Ninka madaxda cariyee
Ii sheegta ciidiyo
Ciidankaan u yeedhaa
Ilayn waan colkaygee
Badi waan casuumaa
Cawyskaanu kulanaa
Cabashaan dhagaystaa
Cuqdadaan ka saaraa
Cudurdaar ma bixiyee
Cafisbaan u fidiyaa
Caleenbaan ku daadshaa
Caashaqbaan ku beeraa
Caqligaan la yeeshaa
Wasiiradii cidhiidhshee
Ciladoodhan galiyee
Mudo aan ku caawiyay
Kama caydhsho xilalkii
Cufka waan ku daayaa
Maalmaan ku ciiraa
Isaguna cawaalow
Caabintuu ku wacanyoo
Mucaaradkuu cadaadshaa
Cadliguu darjiidhaa
Colaadbuu samaystaa
Ciro wuu duqeeyaa
Cidkastoo dhawaaqdana
Caguhuu dul mariyaa.
WAJAALENEWS DESK
HARGEISA OFFICE
WAJAALE STAFF
EMAIL;WAJALENEWS@GMAIL.COM