Baligubadle(W,N)-Gudoomiyaha Hay’adda Qaxoontiga iyo Barakacayaasha Qaranka oo ay weheliyaan Taliyaha Ciidamadda Socdaalka, Badhasaabka Gobolka Hawd, Maayirka Degmada Baligubadle iyo Saraakiil ka kala socday Hay’addaha UNCR iyo NRC ayaa maanta Magaaladdaasi si wada jira uga dhagax-dhigay dhisme cusub oo loo binayn doono Ciidanka laanta Socdaalka Somaliland ee Gobolka Hawd.
Dhagax dhiga dhismahan ayaa ka danbeeyay heshiis ay sanadkan horaantiisii wada galeen hay’adda Qaxoontiga iyo Barakacayaasha Qaranka iyo hay’adda UNHCR. Kaas oo ku sahabsanaa in sideed xafiis meelaha xuduudaha ah looga dhiso ciidamada socdaalka iyo ilaalada xuduudaha JSL.
Xafiisyadan ayaa sidoo kale loogu talo galay inay la socdaan yereeyaanna dadka socotada iyo Qaxoontiga ah ee isaga gudbaya Xuduudaha Jamhuuriyadda Somaliland iyo Waddamada Dariska ah.
