ITOOBIYA(W,N)-Ciidamada Tplf Ayaa caawa la wareegay gacan ku haynta caasimada gobolka tigreey ee maqale ooh ore loogu jabiyay TPLF.
Sidookale waxaa gabi ahaanba iskaba baxay maamulkii ku meel gaadhka ee uu soo dhisay raysalwasaare abiye axmed iyo ciidamadii dawlada fadaraalka itoobiya.
Magaalada maqale ayaa waxaa ka socda dabaal degyo ay dhigayaan shacabku iyo ciimadii soo galay ee tigrey.
Halka Xoghayaha Guud ee Qaramada Midoobay Antonio Guterres uu sheegay inuu caawa la xidhiidhay Raโiisal wasaaraha Itoobiya Abiy Ahmed, isla markaana uu ku rajo wayn yahay in la joojin doono Colaada Gobolka Tigrey.
Guterres wuxuu xusay iney lagama maarmaan tahay in la ilaaliyo dadka rayidka, gargaarka bani aadanimana la gaadhsiiyo dadka ubaahan isla markaana xal Siyaasadeed loo helo.
Geesta kale Dawladda Itoobiya ayaa ku dhawaaqay xabad-joojin.
Warย ka soo baxay xafiiska raysalwasaaraha ayaa lagu sheegay in xabbad-joojintu ay maanta ka bilaabmayso.
Waxa ciidamada la faray in ay u hoggaansamaan goโaanka Xabbad-joojinta.
Madaxweynaha Ismaamulka Gobolka Tigray Abraham Belay ayaaย uu ku dhawaaqay xabbad joojin.
sida ay baahisayย Warbaahinta dawladda ee EBC.
Abraham iyo maamulkiisa ayaaย iskaga baxay magaalada Mekelle.
Ciidamada Eritrea ayaa lagu soo warramayaa in ay dib ugu gurteen xuduudda dalkooda, kadib hawlgallo ay gudaha Ethiopia ku galeen dhawr bilood ka hor, halkaasi oo ay ka gaysteen xadgudubyo ka dhan ah xuquuqda aadamaha oo lagu eedeeyay in ay ka gaysteen gobolka Tigray.
WIXII KASOO KORDHA KALA SOCO WARARKEENA DANBE.