Muqdisho (WJN)- Dab khasaare dhaliyay ayaa xalay ka kacay suuqa Bakaaraha ee ku yaalla magaalada Muqdisho, waxaa uu dabka qabsaday qeybo kamid ah Suuqa gaar ahaan goobta lagu iibiyo dharka celiska ah ee Hudheydhka.
Guddoomiye ku-xigeenka amniga iyo siyaasadda gobolka Banadir, Maxamed Cabdullaahi Tuulax oo ku sugnaa Suuqa ayaa BBC u sheegay in dabka uu baabi’iyay hanti badan oo ay laheyd ganacsatada isla markaasna ay xakameeyeen in dabka uu kusii fido guud ahaan Suuqa.
Tuulax wuxuu sheegay in qeyb badan oo kamid ah Suuqa uu gubtay balse inta ay ogyihiin aysan jirin dadka ku dhintay dabka.
Maxamed Cabdullaahi Tuulax ayaa sheegay inay wadaan baadhitaano ku aadan waxa dhaliyay dabka iyo dhibaatada rasmiga ah.
Ma aha markii ugu horreysay uu dab qabsado Suuqa Bakaaraha, waxaa horraan suuqaasi ka kacay dab gaystay khasaare badan.