MUQDISHO(W,N)-Qoraal uu ku sexeexan yahay guddoomiyaha Golaha Shacabka Maxamed Mursal Sheekh Cabdiraxmaan oo ay heshay warbaahinta ayaa lagu sheegay in 09kii bishan uu qabtay sida uu hadalka u dhigay mooshin ka dhan ah madaxweynaha Soomaaliya.
Qoraalka ayaa oo ku socday dhamaanba xildhibaannada Golaha Shacabka ayaa lagu sheegay in mooshinkan ay soo gudbiyeen xildhibaanno gaadhaya 92 xildhibaan sidaa daraadeed la waafajin doono sharciga iyo xeer hoosaadka u yaala Golaha Shacabka.
Dhanka kale Warka ka soo baxay Guddoomiyaha Golaha Shacabka ayaa u muuqda mid jawaab u ah qoraalkii uu shalay soo saaray xoghayaha Golaha Shacabka Cabdikariin Xaaji Cabdi Buux oo sheegay oo in uu jabay mooshinka kaddib markii uu soo buuxin waayay tiradii loo baahnaa.
Halkan Ka Akhri; Qoraalka guddoomiyahaGolaha Shacabka :
