Hargeysa(W,N)-Dabley hubaysan ayaa shalay abaaro maqribkii Dr Cali Khaliif Galaydh ku weeraray hoyga uu ka dagan yahay magaalada Buuhoodle.
kooxdan hubaysan ee soo weeraray Cali Khaliif Galaydh ayaa waxa soo abaabushay sida naloo sheegay maamulka Puntland oo iyagu kasoo horjeeda heshiiskii ay magaalada Caynaba ku kala saxeexdeen dawlada Somaliland iyo kooxda Khaatumo.
Dableydan ayaa sida uu noo sheegay Goobjooge ku sugan magaalada Buuhoodle waxa ay rasaas ka hor rideen hoyga Cali Khaliif Galaydh dagan yahay,Ilaalada Cali KHaliif Galaydh ayaa iyaguna iska caabiyay werarkan Dableydu soo qaaday.
Gabagabadiina maaha markii u horeysay ee Horjoogihii kooxda Khaatumo Cali Khaliif Galaydh weerar dabley hubaysan kusoo qaado tan iyo intii wada hadalku u bilaabmay dawlada Somaliland iyo Kooxda Khaatumo,Sidoo kale dhawaan ayay ahayd markii koox hubaysan ay la baxsadeen gaadhigii Cali Khaliif Galaydh.