Musharaxa Xisbiga UCID Jamal Ali Hussein oo ku eedeeyay guddoomiye Faisal Ali Waraabe Inuu Qandaraas Ku Soo Qaatay Burburinta Xisbiga.
Hargeysa(Wajaalenews)- Musharaxa jagada madaxweyne ee xisbiga Ucid Aqoon yahan Jamaal Cali Xuseen,ayaa markii u horaysay ka hadlay khilaafka cakiran ee xisbiga Ucid ka dhex taagan, waxaanu sheegay inuu si sharci ah u yahay musharaxa xisbiga Ucid.
https://youtu.be/vLy64FzF_fg
Jamaal waxa uu sheegay in guddoomiyaha Ucid dhaafay awoodihiisa, kana talaabsaday sharciga xisbiga. Waxa uu ku dooday in guddoomiye Faysal xisbiga Ucid cunaha iskaga duubay, islamarkaana mar walba hadalo khalkhal galinaya taageerayaasha xisbiga laga maqlayo.
Waxa uu sheegay inaanu xisbiga Ucid ka tagi doonin, isagoo sheegaya in heshiiska uu xisbiga ku yimid yahay mid sharci ah, islamarkaana aanu Eng Faysal bedeli karrin. Waxa uu ku dooday inaan madaxtooyada looga yeedhin doonin hawlaha Ucid qabanayso.