Hargeysa(Wajaalenews)-Garyaqaan Maxamed Maxamuud Xaashi oo ka mida garyaqaanada ugu Firfircoon,ee ka howlgala Adeegyada Bulshada ee dhinaca Garsoorka,si daacad ahna ugu adeega bulshada reer Somaliland, ayaa Jaamacada New Generation Ku Gudoonsiisay kuna maamuustey shahaado sharaf lagu siiyo adeegyada sharci e uu bulshada u hayo.
Shahaado sharaftan Lagu Maamuusey Garyaqaan Maxamed Maxmuud Xaashi(Timo), ee uu ku mutaystay hufnaanta,daacadnimada, aqoonta iyo kartida shaqo e uu ugu adeego bulshada u baahan adeega sharci,iyadoo Munaasibadan lagu gudoonsiiyay Huteelka Maansoor ee Magaalada Hargeysa.
Jaamacada New Generation oo dhawaan ay ka qalin jabiyeen arday dhamaysatay kuliyadaha kala duwan ee jaamacada waxa uu garyaqaanku nasiib u helay inuu kamid ahaa Ardeydaasi ka qalin
jabiyay mar afraad kuliyada Sharciga,iyadoo Jaamacadu, sigaar ah u gudoonsiisay Shahaadadan Garyaqaan (Timo), una rajeeyeen in kor u qaado dedaalka iyo rajada fiican ee u hayo Bulshada si uu talaabo uga sii qaado halka uu taagan yahay, iyagoo sigaar ah u xusey in ay ilaahay uga baryayaan in uu masuul sare ka noqon doono Hay,adaha Garsoorka Dalka laamahooda Sare.
Jaamacada New Generation oo kamid ah Jaamacadaha dalka Somaliland, ee ay wax ka bartaan Hay,adaha Shaqaalaha dalka iyo dhalinyarada aqoonyahanka ahi, waxa ay noqoneysaa Jaamacada kaliya e kulmisay wadamada geeska Africa xarunteeda u waynina tahay dalka Itoobiya ee aynu dariska nahay ayaa waxa wax ka barta dhalinyaro aqoonyahan ah oo ka shaqeeya dhinaca garsoorka, iyo Warbaahinta iyo meelo kale oo badan.
Garyaqaan Maxamed Maxamuud Xaashi (Timo), oo mudo dheerka ka shaqaynayey qareenimo kana mida qareenada sida aadka ah uga howlgala Maxkamadaha Somaliland ee bulshada ugu adeega sharciga,kana shaqeeya kiisaska nadiifka ah ee aan madmadowgu kujirin, islamarkaana ah shakhsiyaadka faro kutiriska ah ee aakhiradooda u tudha ayaa, isagu sigaar ah uga mahad celiyay Shahaadadn la gudoonsiiyay waxaanu ku bogaadiyay Maamulka iyo Macalimiinta Jaamacada New Generation dhiirigalinta ay sida gaarka ah ugu maamuuseen.