Qaahira (Wajaalenews)-Qarax xoogan ayaa ka dhacay banaanka hore ee safaarada dalka tayaanigu ku leeyahay magaalada Qaahira ee dalka Masar,Qaraxan ayaa sababay dhimashada Hal qof halka dad kalena ay ku dhaawacmeen.
Saraakiisha ammaanka ee dalka Masar waxay sheegeen in qararaxa uu gaystay baabuur bam lagu xidhay, kaasi oo khasaaro weyn u geystay banaanka hore ee dhismaha.
Dowladda Talyaaniga ayaa sheegtay in aanay oggolaan doonin in loogu cagajugleeyo weerarka.Dadka dhaawaca ah ayaa waxa ku jira booliis ilaalo ka hayay goobta.
Ciidamada ammaanka ayaa waxaa si joogto ah u weerarra kooxo hubeysan tan iyo markii la afganbiyay Madaxweynihii Islaamiga ahaa Maxamed Morsi, sanadkii 2013.