Hargeysa(Wajaalenews)-Hadalheynta Go,aankii Wasiirkii hore ee Wasaarada
Maaliyada Somaliland Cabdicasiis Maxamed Samaale, ku gacanseydhay
Xilkii loo magacaabay ee Wasaarada Waxbarashada ayaa, saamayn badan ku
yeelatey Guud ahaanba saaxada Siyaasada Somaliland dhinacyada bulshada
iyo falanqeynta Siyaasada ee xiligan iyadoo dadka intiisa
ugu badani aragti isku mid ah ka qaateen jawaabta uu ka bixiyay
diidmadiisa, oo marka la barbar dhigo Siyaasiyiin Misaan culus ku
lahaa Golaha Xukuumada oo Go,aanka Madaxweynaha xilka lagaga qaadey
iyo Siyaasiyiin kale oo markii hore tuhun adag laga qabey haseyeeshee,
aan marna qaadanin go,aan kan lamid ah.
Marka hoos loogu daadago Siyaasiyiinta kasoo jeeda Beesha Samaale,ee
lasoo shaqeeyay Xukuumada Madaxweyne Siilaanyo waxa ay raga ugu
mudakarsanaa intooda badani kalsooni ka haysteen Madaxweyne
Siilaanyo,sida Maxamed Xaashi Cilmi oo markii xaajadu adkaatey soo
jeediyay in uu meesha ka baxayo laakiin Madaxweyne Siilaanyo u
jeediyay in aan laga maarmi karin islamarkaana, taa rumeystey,kana
baaqsadey Go,aankii saaxiibkii Dr Maxamed Cabdi Gaboose ka qaatey in
uu kamid ahaado Golaha Xukuumada,sidoo kalena ka baaqsadey qodobkii
nuxurka heshiiskii Xisbiga Kulmiye iyo Qaran oo ku saleysnaa in la
furi doono Guusha dabadeed loolankii ururada Siyaasada,oo Maxamed
Xaashi kamid ahaa ragii u fikirey in damcaasi ku jiro laakiin ka
jecleystey xilkii Wasaarada,isagoo aan fahmin mudadii uu Xukuumada
kujirey in ciriqyo kale ku lamaan yihiin Maamulka Madaxweynaha,
arintaas oo marka si adag loo dhugto uu fahmey Dr Maxamed Cabdi
Gaboose maadaama uu ahaa Maamulkii D/hoose ee dalka oo uu la kulmay
awaamiir,iyo codsiyo gaar ah oo badan kana baxsan kuwa
Madaxweynaha,waxaana horaantiiba saameeyay Maxamed Xaashi Cilmi
iskubadelkii u horeeyay ee Madaxweyne Siilaanyo ku qaado Golihiisa
Xukuumada,waxa kale oo soo raacay taasi in xubno Samaale lasoo galay
Golaha Xukuumada oo uu kamid ahaa Mujaahid Boobe oo uu calmadey
Madaxweyne Siilaanyo, isagoo xiligaa aaminay Boobe oo loo magacaabay
Wasiirkii Warfaafinta iyo Wacyigalinta,in aaney jirin habayaraatee cid
u dhaxayn doonta Madaxweyne Siilaanyo maadaama uu shaqadiisa ka
adkaa,taariikhdii halgakii Dureed ee SNM na lasoo qaatey Madaxweynaha
oo ahaa Gudoomiye mudo badan soo hogaamiyay halgankaasi iyo Ururkii
SNM laakiin khilaaf badan oo ka kacey Maamulkii Wasaarada loo
magacaabay marnaba Mujaahid Boobe ma uu fahmin halka uu dabada ku hayo
ciriqa nuxurka khilaafka soo noqnoqdey ee faragalinta
Wasaaradiisa,waxaanu Mujaahid Boobe marar badan u fahmey in
khilaafkani ay dabada ka wadaan Masuulyiin Xukuumada katirsan laakiin
saaxada Siyaasada ku cusub sida Wasiir Xirsi iyo rag badan oo ku
dambaabay waagaasi, haseyeeshee, waxay faham la,aanta ciriqa khilaafka
Wasaarada Warfaafinta kusoo noqnoqdey gayaysiisay in Xilkii laga qaado
Dhur cad isagoo aan ogayn halka laga abaarey, inkastoo aanu khalad ku
lahayn inaanu hore u fahmin hadana taasi waxey ku noqotey u qaadanwaa
iyo in lagu gafay shakhsiyadiisa isagoo cadaawad aadag u qaadey
Saaxiibkiisii Dureed ee Siilaanyo.
Waxa ku xigay Wasiirkii hore ee Siyaasada Arimaha Dibada mudada
diiriyay Dr Maxamed Cabdilaahi Cumar, oo sida ay dadka qaarkii
sheegaan qeyb ka ahaa dadka sida xoogan u fahamsan ciriqyada ku lamaan
Maamukka Madexweyne Siilaanyo ee Xiligan iyo Hogaaminta Siyaasadiisa
saaxiibna la ah raga daaha dambe u taagan, Lasoco Qeybta
Sadexaad……………. iyo hordhaca Tixdan qeybta ka ah Gabaygii
Guba
Dhaqashiyo Mar bay Kaa Yihiin Dharagu Xaraane
Nin Dhirbaaxo Quudheed Dugsadey Dhaqayadeed Maal
Dhashaaday Dugsataa xaajadaad Dhowrataa abid,
Dumarkaan dhankii loo dhigiyo dhinacba diidayne,dhidigaashahaa lagu
arkiyo dhiiga caadade,hadaanay dhiilka caanaha laheyn laguma
dhaarteene,wax ka dhigan gobtii dhowrsataan ceeb ka dhiidhiyin,bal
dhex mariya Reer Wabi inuu dhaamo ba xawaadle,ogaadeenka
dhaanteynayiyo Dhugadna gaadhsiiya.
Cabdiraxmaan Nuux Axmed(hiiraan)
Email:hiiraan2007@gmail.com