Hargeysa(WJN):- Gudoomiyaha Kulmiye ayaa dhambaal hambalyo ah u diray Ardayda tirada badan ee ka qalin jabinaysa sanadkan Jaamacaddaha dalka. Waxa uu sheegay in dadaal iyo samir ay soo samaynayeen midhihiisa goosanayaan.
REF: XK/XGX/0042030/2014 Date: 10/09/2014
Ujeeddo; HAMBALYO GUDOOMIYE
Gudoomiyaha Xisbiga Kulmiye Md Muuse Biixi Cabdi isagoo ku hadlaya magaciisa , Gudida fulinta , Golaha Dhexe iyo dhamaan xubnaha iyo taageerayaasha xisbiga kulmiye wuxuu hambalyo balaadhan u dirayaa dhamaan Waalidiinta, Macalimiinta iyo Ardayda ka qalinjabiyay sanadkan guud ahaan jaamacadaha dalka jamhuuriyada Somaliland kuwa ay xafladohoodii qalinjabinihu qabsoomay iyo kuwa sugayaba.
Wuxuu gudoomiyuhu ku boogaadinayaa samirkii iyo dadaalkii ay soo sameeyeen oo ay maanta bilawga midhihiisii goosanayaan, isagoo ku boorinaya inay halkaa kasii wadaan dadaalkaa.
Gabagabadii wuxuu gudoomiye Biixi u rajaynayaa dhamaantood Mustaqbal wanaagsan iyo inay noqdaan kuwii cilmigaa ay barteen ku anfaca dalkooda, dadkooda iyo diintoodaba.
HAMBALYO HAMBALYO HAMBALYO
ALLAH MAHAD LEH
Gudoomiyaha Xisbiga Kulmiye
Md. Muuse Biixi Cabdi