DIMISHIQ WAJAALENEWS ;Wadahadalada suuriya iyo mucaaridka ayaa mudo la sugayayay midkastaana dhiniciisa wuxuu danaynayaa .Ergada dowladda ayaa doonaysa in la bilaabo ka doodidda qoddobada muhiimka ah ugu dambeyn maalinta Sabtida ah.
Wasiirka arrimaha dibada Suuriya, Walid Mucallim, ayaa hanjabaada ka sheegay warbaahinta qaranka ee dalkiisa, kaddib markii ay kooxdiisa la shirtay dhex dhexaadiyaha Qaramada Midoobay, Al-akhdar Ibrahimi.
Mr Ibrahimi ayaa lagu wadaa in uu maanta kulan la yeesho mucaaradka Suuriya.
Weli waxaa jira kala qeybsanaan weyn oo labada dhinac u dhexeysa.
Ujeedooyin kala duwan
Dowladda Suuriya ayaa doonaysa in diirada la saaro la dagaalanka argagixisada, halka mucaaradkana ay doonayaan in xukunka laga qaado Madaxweyne Bashar al-Assad.
Diblomaasiyiinta ayaa sheegaya in walwalka ugu weyn uu yahay xaqiijinta in labada dhinac aysan ku kala tegin wadaxaajoodka.
Wada xajoodka nabada ee Suuriya ayaa muddo dheer la sugayay.
Waa markii ugu horreysay ee dhinacyada ay si rasmi ah u wadahadlayaan saddexdii sano ee ay colaadda Suuriya jirtay.
WAJAALENEWS DESK