Wasiirka arimaha gudaha Somaliland oo warbaahinta kula hadlay garoonka diyaaradaha ee magaalada Hargeysa ayaa waxa uu sheegay inay waftigani u yimaadeen inay arkaan horu marka ka socda Somaliland waxaana hadaladiisi ka mid ahaa ?Halkan maanta waxa maraya wafti ka socda wadamada Maraykanka iyo ingiriiska oo ah dalalka Somaliland la saaxiibka ah waxaanay u yimaadeen inay eegaan horu marka somaliland ay
gaadhay dhinac walba, waxaanay jecel yihiin inay soo eegaan meelo badan oo ka mid ah dalka iyo inay hubiyaan sida ay yihiin dadka jeelasha ku jira iyo sida loogu xanaaneeyo.? Ayuu yidhi wasiirka arimaha gudaha Somaliland Cali Maxamed Waran Cade
Wasiirka arimaha gudaha Somaliland oo hadalkiisa sii wata ayaa sheegay inay waftigan wax kala qabanayaan Somaliland sidii loo tayeyn lahaa ciidamada ilaalada xeebaha Somaliland si looga ilaaliyo budhcad badeeda waxaanu yidhi ?waxa kale oo ay doonayaan inay wax badan ka qabtaan dhinaca ciidamada Bada Somaliland si ay ciidamadu awood ugu yeeshaan inay ilaaliyaan xuduudaha xeebaha Somaliland si ay u ahaato meel nabad galyo ah oo laga ilaaliyo budhcad badeeda, waftiganina waa mid balaadhan waxaanan leenahay ku soo dhawaada Somaliland.? Ayuu yidhi wasiirka arimaha gudaha Somaliland.
Dhinaca kale Donna Leight oo hogaaminaysay waftigan ka socda dalalka Maraykanka,Ingiriiska iyo wadamada Scandanevian-ka oo la hadashay warbaahinta ayaa waxay sheegtay inay Somaliland ka caawin doonaan dhinaca la dagaalanka budhcad badeeda.
Wajaale News
Hargaysa Office
Info:wajalenews@gmail.com
Repoter:Abdiqadir Abdiraxman Habane