Arjigan ayaa lagu raalli-geliyey ciidanka SPU-da oo la sheegay in laga gashaday Kabo Qadh ah oo uu lahaa askari iyaga ka tirsan.
|
|
Hargeysa (WAJAALENEWS):- Muwaadin magaciisa la yidhaa Xasan Axmed Cilmi kana tirsan Shaqaalaha hey´adda Caalamiga ah ee IFAD ayaa xabsiga loo taxaabay kadib markii ay ku cadaatay inuu gashaday Kabaha ay dawladdu bixiso ee u gaarka ah ciidamada.
Arjigan oo masuuliyiin ka tirsan hey´adda IFAD ay soo gaadhsiiyeen Weriye C/salaam-Abuhurayra oo ka tirsan xafiiska Hadhwanaagnews ee magaalada Hargeysa, ayaa u muuqda mid maxbuuska lagaga soo qoray xabsiga dhexdiisa.
Si kastaba ha ahaatee muwaadinkan lagu qabtay Kabaha Ciidanka oo ka mida wadayaasha baabuurta hey´adda IFAD, ayaanu la kulanay aroornimadii Salaasada isagoo cagaagan oo Saddex ka mida Askarta SPU-du ay markaas uun ka saareen kabaha, isla markaana ay kabihii ku riteen baabuur shicib oo ay wateen.
Anigoo ah C/salaam-Abuhurayra kana tirsan HADHWANAAGNEWS ayaa ahaa qofkii dhacdadaasi la kulmay isla markaana judhiiba soo gudbiyey sidii ay wax u dhaceen iyo wixii indhahaygu qabteen iyo weliba xogtii aan ka helay dadkii xogogaalka u ahaa dhacdadaasi kuna sugnaa goobta.
 |
|
|