Xubintani waxa ay sheegaysaa, waxa qofku xaqa ugu lee yahay qaranka, oo ay ka mid yihiin, waxbarasho, caafimaad, ilaalinta hantidiisa gaarka ah, dhawrida deegaanka iyo hoyga qofku ku nool yahay, iyo ilalinta dhamaan dhaqanka bulshada iyo waxa qaranku qofka xaq ugu lee yahay, oo ay ka mid yihiin, in uu canshuurta ku waajibtay uu bixiyo, ilaaliyo nabada iyo kala danbaynta, tabashadiisana uu hanaan xeerku ogol yahay u maro iyo sinaanta iyo in aanay jirin kala sarayn ay kala sareeyaan muwaadiniinta Somaliland, iyo hanaanka hadii muwaadinku gaf galo, sida loo marinaayo xeerarka ciqaabta ee u yaala qaranka, iyada oo qofku lee yahay xaqa is-difaaca, iyo xoriyada isgaadhsinta,iyo xurmaynta xuquuqda qofnimo, iyo isu celinta eedaysanayaasha, iyo hanaanka loo raacayo, magan galinta siyaasadeed, iyo kan ugu danbeeya oo sheegaya xuquuqda haweenka somaliland, waxa nay ka kooban tahay xubintani 18 qodob
FIIRO GAARA
Waxa u dhexxeya qof iyo muwaadin
Qof marka uu sheego distoorku ama xeerarku waxa ay ula jeedaan qof kasat, dhalashada uu doono ha sito, qaranka uu doonana ha ka soo jeedee
Muwaadin marka uu sheego distoorku ama xeerarka u yaala qarankeenu, waxa uu u jeedaa qof kasta oo haysa dhalashada Somaliland.
Ka hore waxa baxay muwaadinkii haystay dhalashada Somaliland
Kan kan danbana waxa baxay qofkii aan haysan dhalashada somaliland
qaybta 2aad
Qaab-dhismeedka Qaranka
Oo ah qodobka 37aad, waxa uu sheegayaa, in awooda iyo karaamada qaranka, uu Eebe ugu deeqay bulashada Somaliland, cid ka xusul-maroojin kartaana aanay jirin, awoodaas iyo karaamadaasna uu u dhiibtay hadba xukuumadii maamulka haysa, iyada oo la raacayo sida distoorku qeexay.
Xubinta 1aad
Waaxda xeer dejinta
Qodobkani waa qoqob sheegaya fadhiyada labada gole, iyo hanaanka xeer dejinta, waana awood u gaara labada gole, mana laha, waaxaha kale ee qaranku, marka laga tago xeer hoosaad yada, waan qodobka 38aad ee distoorkeena, waxanu lee yahay waaxda xeerdajintu waxa ay ka kooban tahay
1- Golaha Wakiilada ( Aqalka Hoose)
2- Golaha Guurtida ( Aqalka Sare)
Golaha Wakiilada
Qodobada ku saabsan golaha wakiiladu, waxa uu sheegayaan, tilmaamaha golaha, tiradooda, habka doorshada, shuruudaha qofka xubinta ka noqonaya golaha, mudada xilka, xarunta golaha, iyo awoodaha golaha wakiilada, waxanay ka kooban yihiin 18 qodob
Golaha guurtida
Qodobada ku aadan golaha guurtidu, waxa ay la mid yihiin kuwa golaha wakiilada waxa ay ku kala duwan yihiin, oo sidaas u weynina ma jiraan, se waa jiraan hawlo, ay kala leeyihiin, waxana ka mida
1- Golaha wakiilada ayaa leh ansixinta iyo ogolaanshaha miisaaniyada qaranka, iyo xisaab xidhkeeda.
1- Golaha guurtida ayaa u xil-saaran xalinta muranada, hadii ay yihiin kuwa dhex mara qabaailka iyo hadii ay yihiin kuwa kale ee ka dilaaca waadanka.
Golaha guurtidu waxa uu yahay gole dhaqan iyo gole siyaasadeed iyo gole xeer dajin, waxan uu dheer yahay golaha wakiilada dhaqanka, qodobada ku saabsan golaha guurtida ee ku jira xubinta 2aad waxa ay yihiin 23 qodob.
Qaybta 3aad
Waaxda Fukinta
Xubinta 1aad
Xubintani waxa ay si faahfaahsan u sheegaysaa, waaxda fulinta, oo uu gadhwadeen ka yahay, madaxweynaha iyo ku-xigeenkiisu, habla loo dooranaayo, mudada xilkooda, shuruudaha qofka xubinta ka noqonaaya, waxyaabaha ka reeban, mudada xilkooda, gunadooda, habka jagada banaanata, waxana ay ka kooban tahay xubintani 12 qodob
Xubinta 2aad
Xubintani waxa ay sheegaysaa, awoodaha madaxweynaha iyo ku-xigeenkiisa, iyo awoodaha kale ee madaxweynaha ee la xidhiidha xeerka dagdaga ah, hab-maamuuska madaxda qaranka, golaha wasiirada, sii-haynta xilka marka xilku banaanado, habla loo eedaynaayo madaxweynaha iyo ku-xigeenkiisa iyo xubinta golaha wasiirada, iyo habka dacwada loogu soo oogaayo, waxana ay ka kooban tahay xbintani 8 qodob
Qaybta 4aad
Xubinta 1aad
Waaxda garsoorka
Xubintani waxa ay sheegaysaa, waaxda garsoorka, awooda garsoorka u gaarka ah, qaab-dhismeedka garsoorka, maxkamadaha oo ka kooban,
1- Maxkamada sare
2- Maxkamadaha racfaanaka ee gobolada
3- Maxkamadaha gogolada
4- Maxkamadaha dagmooyinka
5- Maxkamadaha ciidamada qaranka iyo xeer ilaalintooda
Waxa kale oo ka mida xubintan, xeer ilaalinta, magacaabida gudoomiyaha maxkamada sare iyo garsoorayaasha maxkamada sare, waxana ugu danbeeya qodobka sheegaya xidhiidhka ka dhexeeya waaxda garsoorka iyo wasaarada cadaalada, waxanay ka kooban tahay xubin tani 11 qodob
Wajaale News
Hargeysa Office
wajalenews@gmail.com