Caynaba-(W,N)-Guddoomiye-ku-xigeenka koowaad ee xisbiga KULMIYE, mudane Cabdicasiis Maxamed Samaale iyo wefti uu hoggaaminayo oo safar shaqo ku jooga gobolka Saraar, ayaa Habeenkii xalay munaasibad soo dhaweyn ah u qabtay maayarka degmada Caynaba, mudane Maxamed Haybe Maxamuud iyo kuxigeenkiisa, mudane cabdixaafid ibraahim Abokor iyo taageerayaashooda oo si rasmi ah ugu soo biiray KULMIYE, kana soo wareegay xisbiyada WADDANI iyo UCID.
Munaasibadda lagu soo dhaweynayey labada masuul ee ugu sarreeya golaha degaanka Caynaba iyo taageerayaashooda waxa ku wehelinayey, oo isagana lagu soo dhaweeyey Mudane Xildhibaan saleebaan faarax Dirir oo ka tirsan golaha deegaanka Caynaba, kaas isaga iyo taageerayaashiisuba kusoo biireen xisbiga KULMIYE., kana soo digo rogtay xisbiga UCID.
