Tog Wajaale (WJN) – Roobab aad u xoog badan oo da’ayay mudo saacado ah ayaa maanta gelinkii danbe ka da’ay magaalo ganacsiyeedka Wajaale, kaasi oo geystay khasaare.
Wararka na soo gaadhaya ayaa waxa ay sheegayaan in Roobka oo dabaylo watay ayaa sidoo kale waxa ka dhashay khasaare hantiyeed oo soo gaadhay Hotelo, Tukaano, Meherado iyo goobo kale oo Ganacsi.
Roobkan ayaa magaalada Wajaale waxa uu ka da’ayey muddo sadex saacadood ah kaasi oo hakad galiyay isku socodkii magalada iyo dadka.
Qaar ka mid ah dadweynaha ku nool magaalada Wajaale oo ay la xidhiidhay Shabakada Wajaalenews ayaa u xaqiijiyay khasaare ka dhashay roobabkan.
Dhinaca kale, Maamulka iyo masuuliyiinta magaalada Wajaale ayaan ilaa iyo hada ka hadal khsaaraha ka dhashay roobabkan saacadaha ka da’ayay magaalada.
Wajaalenews Desk
Tog Wajaale Office
Wajalenews@gmail.com