Waxa munaasibadasi ka soo qayb galay hay`adaha u dooda xuquuqda adamaha ururada bulshada iyo xubno ka mida qaybaha garsoorka iyo daneeyayaasha saxafadda Somaliland
Waxana intii munaasibadu socotay lagag wada hadlay sidii loo yarayn lahaa xadhiga saxafada Somaliland,ugu horayntiina waxa munasibadaasi ka hadlay xeer ilaaliyaha guud gobolka maroodi jeex waxana hadaladiisii ka mida ahaa “ waxa yaabaha ugu muhiisan isaga oo dastuurkeeni xoriyaad siiyay saxafadda iyo ilaalinteedaba,hadana waxa aan meesha ka maqnayn in xoriyadda kasi xayn daab leeyihiin”.
“Runtii waxyaabaha aanu halkan isku soo raacnay madama oo maxkamadii xeer ilaaliyaashii iyo garsoorkii iyo hay`adihii ay halkan ku sugan yihiin runtii waxyaabaha aan aad ugu faraxsanahay waxa weeyi in sharcigu sareeyo”.
Geestiisa waxa isna halkaasi ka hadlay gudoomiyaha ururka marka magiciisa la soo gaabiyo layidhaa (SOLJA ) oo ah ururka saxafadda Somaliland.
Hadaba guddoomiyaha ururkaasi oo hadlaya xuska maalinta saxafadda aduunka waxa uu yidhi “Xuska maalinta saxafadda dunida oo maanta laga xusayo daafaha dunida meel kasta oo u qof suxufiyi joogo waxan u diraynaa hadan nahay ururka suxufiiynta Somaliland ee SOLJA hambalyo,anaga oo leh sanadkan sanadkiisa ku gaadha nabad qab iyo horumar.
“Waxanu isla qadanay shan mab-da ayaa laysla qaatay oo ka koowaad yahay in sharcigu sareeyo oo dhamaan qaranka Somaliland uu ka shaqeeyo loona sinaado”.
Qodobka kowaad in la tixgaliyo rayi dhiibashadda in muwaadiliinta Somaliland six or ah oo aan cabsasho lahayn rayi gooda u dhiibtaan mariyaana haya`daha warbaahinta iyo fursad kasta oo ay u arkaan taladdooda iyo rayi gooda ay soo jeediyaan ileen qaranka ayaa lagu dhisayayee.
Ugu dambayntii waxa munasibadaasi waxa isna kalmadiisa ka jeediyay guddoomiyaha haya`adda xuquuqul iinsaanka ee madaxa banan ee Somaliland ka hawla.
Waxana uu ugu horayntii ka warbixiyay tiradda wariyayaasha la xidhay sanadkani iyo waliba qaabka loo yarayn karo xadhiga wariyayaasha ka hawlaga Somaliland
Hadaladii uu munaasibadaasi ka jeediyayna waxa ka mid ahaa sidan.
“Waxa na soo gaadhay afartii bilood ee u dambeeyay xadhiga sadex iyo tobon (13) suxufi oo ugu yaraan shan (5) ka mida dacwad lagu oogay,afar(4) kamidana maxkamadi sheegtay in dacwadii lagu helaay ,tiraradaasi marka loo eego in sanadkii nus tagay hadii ay xadhigaasi ku soo socoto waxa laga yaaba ina sanadkan uu noqodo xadhigii ugu badnaa ee suxufiyiinta la xidho, markaa Somaliland waxay ka mid noqonaysaa waddamad cabudhiya saxafadda, waliba aduunyada iyada oo aynu citiraafka iyo waliba maalgashi aynu ka raadinayno”.
Munaasibadan ay soo qaban qaabisay ururka suxufiyiinta Somaliland ee SOLJA ayaa ka mid ahayd tobobar laba maalmood socday oo lagaga hadlayay sidii loo yarayn lahaa xadhiga soo noqnoqda ee suxufiyiinta Somaliland lagula kaco.
Wariye:Abdiqadir Habane
Wajaalenews.net
Hargeisa Office