TACSI MADAXWEYNE
IN-NAA LILLAAHI WA IN-NAA ILAYHI RAAJICUUN
Madaxweynaha Jamhuuriyadda Somaliland, Mudane, Axmed Maxamed Silaanyo, isagoo ku hadlaya magaciisa, ka dawladda iyo ka shacbiga Somaliland waxa uu tacsi u dirayaa waxgaradka, waayeelka, aqoonyahanka, qoyskii, eheladii, qaraabadii, asxaabtii iyo shacbiga somaliland ee uu ka baxay Alle ha u naxariistee Marxuum Xildhibaan Bashiir Faarax Dawaareh oo ku geeriyooday Magaalada Jabuuti 26/11/2016.
Sidoo kale madaxweynuhu waxa uu si gaara uga tacsiyadaynayaa geerida marxuumka reer Faarax Dawaareh iyo reer Xaash Xaash, xaaskiisi Shukri Maxamuud Xaash Xaash iyo Sagaal caruur ah oo uu marxuumku ka tegay.
Madaxweynuhu waxa uu marxuumka ku sifeeyey masuul qaranka Somaliland ka baxay kana mid ahaa dadkii ka soo shaqeeyey nabadayntii iyo dib u dhiskii dalka ee sida balaadhan uga shaqeeyey nabad ku wada noolaanshaha beelaha Somaliland ku wada dhaqan, waxaanu marxuumku hada ka mid ahaa golaha deegaanka ceerigaabo.
Madaxweynuhu waxa uu marxuumka ALLE uga baryayaa inuu naxariistii janno ka waraabiyo waxgaradka, waayeelka, aqoonyahanka, ubadkii, qoyskii, qaraabadii, eheladii, asxaabtii iyo shacbiga Somaliland ee uu ka baxayna samir iyo iimaan saadiqa ka siiyo.
IN-NAA LILLAAHI WA IN-NAA ILAYHI RAAJICUUN
Xuseen Aadan Cige (Deyr)
Af-hayeenka Madaxtooyada JSL.