HARGAYSA(Wajaalenews) Waxaa Saaka Abaaro 9 Kii Subaxnimo ka bilaabantay magaalada madhheera ee gobolka saaxil dacwada madaxdhaqameedkii xukuumadu ku soo eedaysay kiiskii dhawaan ka dhacay deegaanka hadayta oo ka tirsan degmada lughaya.
Kiiskan oo dhagaysigeega ay waday maxkamada wareegta isla markaana ay eedayntooda soo oogtay xeer ilaalintu ayaa galay Marxaladii ugu adkayd isaga oo kiiskani ka bilaabmay jeelka madheera abaaro 9 kii subaxnimo Halka lasoo gabo gabeeyay 4tii galabnimo iyada oo laga balamay waqti kale ,sida wararka aanu ka helayno dad goobjoog ahaa kuna sugnaa xiligii ay dacwadu socotay magaalada madheera xogahan ayaa tibaaxay in dhinacyadan kiiska qaadayay ayaa kala ahaa xeer ilaalinta,maxkamada wareegta oo dhinac ah iyo qareenada u doodayay madax dhaqameedku ayaa galay meelo xaasaasi ah isla markaana ay fooda isla galeen dhinacyadii kiiska qolana eedaynta waday halka looyarada madaxdhaqameedkuna iska daadifeeyeen ka dib markii cadaynta kiiskan ay xukuumadu wayday wax xaqiiqo ah. waloow ay wararku intaas ku darayaan in ay xukuumadu wadatay markhaatiyaal lasoo jujuubay balse midka mida markii la dhaariyay kadib uu meesha ku markhaati furka dacwan aan ahayn tan la dhagaysanayay isagoo lasoo baxay warqad uu ku sheegay eedaynta dad kale oo an ahayn xubnaha dacwadooda loo fadhiyay
taasi oo buuq iyo sawaxan ka dhex dhalisay Hoolka uu ka socday kiiskani.
dhanka kale markhaatiga la soo jujuubay ayaa inyar kadib bilaabay matag iyo xaaladiisa caafimaad oo is badashay kaasi oo anfariir ku noqday dadkii ku sugnaa dhagaysigan dacwadan,
Xadhiga Madax dhaqameedkan oo mudo xiligan ku siman 53 casho ayaa dacwadooda maxkamada wareegtaa dhagaysatay sadex jeer iyada oo imika loo balamay markii afraad ka dib markii xukuumadu ka gaabisay in ay soo bandhigto cadaymo intan ka badan oo dheeli ku keenay kiiskii ay xukuumadu ku soo oogtay madaxdhaqameedkan.
si kasta taba ha ahaatee xukuumada iyo hogaanka xisbiga kulmiye ayaa iyagu saamayn wayn ku leh xadhiga salaadiyiinta halka la sheegay in ay gudomiye muuse biixi iyo madaxwayne kuxigeenka cabdiraxmaan saylici dalbadeen in odoyaasha la xukumo jeelkana lagu hayo ilaa inta ay dhamaanayso diwaangalinta gobolka maroodijeex maadaama ay ku guulaytaan in ay hore u xidhnaayeen intii ay dhamaanaysay diwaangalintii gobolka saaxil taasi oo salka ku haysa muranka dhulka waqooyiga amaba xeebta galbeed, Ee somaliland
WAJAALENEWS DESK
HARGAYSA OFFICE
EMAIL;WAJALENEWS@GMAIL.COM