Ciidamada Dab-damiska ayaa la sheegayaa in ay soo samata bixiyeen ku dhawaad 15 nin oo iyagu ka mid ahaa shaqaalaha doontaasi,
Cuman( Wajaalenews) Dooni lagu magacaabo Al Yaasiin ayaa ku gubatay Dekeda Magaaladda Salalah ee Dalka Cumaan.
Doontan oo siday xoolo laga raray Somalia ayaa waxa la sheegayaa in uu dab xoog lihi uu qabsaday isla markaana ay halkaasi ku shuf beeshay.
Ciidamada Dab-damiska ayaa la sheegayaa in ay soo samata bixiyeen ku dhawaad 15 nin oo iyagu ka mid ahaa shaqaalaha doontaasi, kuwaas oo wakhtigii uu dabku qabsaday gudaha ugu jiray.
Lama oga khasaaraha dhabta ah ee ka dhashay doontaasi, balse waxa lagu soo waramayaa in uu dabku qaybo badan khasaare laxaad leh soo gaadhsiiyay.
Si kastaba ha ahaatee ciidamada la dagaalanka dabka ee dalka Cumaan ayaa la sheegayaa in ay saacado badan ka dib ku guulaysteen in ay dabkaasi bakhtiyaan. –