HARGEISA(Wajaalenews);Wasiirka Wasaaradda Arrimaha Dibada Somaliland Maxamed Biixi Yoonis ayaa si kooban uga hadlay diblamaasiyiin ka tirsan dalka Itoobiya oo lagu xidhay gobalka Gabilay ee Somaliland.
Wasiir Maxamed Biixi Yoonis waxa uu sheegay in ay Xukuumada Somaliland aad uga xuntahay falkaasi,isla markaana waxa uu sheegay in ay Arrintaasi cudur daar ka bixiyeen.
Wasiir Maxamed Biixi Yoonis waxa uu Sidaasi ku sheegay mar uu maanta warbaahinta lahadlayay.waxaana isaga oo arrimahaas ka hadlaayay uu yidhi “Falkaasi wuxuu ahaa fal aad u fool xun,Xukuumada Somaliland aad ayay uga xuntahay arrintaasi waxaananu ka bixinay cudur daar,waxaanu shalay la kulanay Safiirkii Itoobiya u fadhiyey Halkan(Somaliland) ,nimankii falkaasi sameeyayna waanu xidh xidhnay waxaan shacabka reer Somaliland ugu baaqayaa in ay tixgaliyaan oo ay Ixtiraam diblamaasiyiinta inala jooga khaasatan Itoobiya,dawlada itoobiya waa dal aynu jaarnahay waa dad aynu walaalo nahay,waana dawladaha aadka u daneeya Somaliland”
“Somaliland iyo Soomaaliya wada-hadalaa u socda,waxaana fiican in labada dal iska ilaaliyaan wixii xumaan keenaya,mana fiicana in Soomaaliya ay dhex gasho dawladaha cilaaqaadku ka dhaxeeyo Somaliland,cadaadisana ma galin karaan hawlaha Somaliland,”
Waa markii ugu horaysay ee Wasiir Maxamed Biixi Yoonis uu ka hadlo xadhiga diblomaasiyiinta Itoobiya loogu gaystay gudaha Somaliland
WAJAALENEWS DESK
HARGEISA OFFICE
EMAIL;WAJALENEWS@GMAIL.COM