 |
Ceerigaabo (WJN)waxaa maalmihii ugu danbeeyay magaalada ceerigaabo si wayn looga
dareemay isbedel ku yimi dhinaca lacagta somali shilling taasoo 500
(shantii boqol Sh.) laga diiday gudaha magaalada ceerigaabo iyadoo
sidoo kalena laga diiday magalada boosaaso oo ganacsi ahaan ay isku
xidhan yihiin ceerigaabo
weriyaha Wajaalenews.com ee gobolka sanaag oo
ii sheegay inay qaybo ka mid ah lacagtii hore uga shaqayn jirtray
magalada ceerigaabo la diiday walaw ay jiraan meelo qaadanaya
waxaa kale oo uu ii sheegay inay suuqa ku jiraan lacago cusub oo kunka
somaliga ah kaasoo tayo ahaan aad u hooseeya isla markaana ay dadku si
wayn uga walaacsan yihiin xaaladan ku timi isbedelka lacagta laga
isticmaalo magalada ceerigaabo iyadoo ay dadka reer ceerigaabo xiligan
si wayn ugu hanqal taagayaan hirgelinta lacagta Somaliland shilling oo
inta badan ka shaqaysa tuulooyinka iyo degmooyinka dhinaca galbeedka
ka soo xiga magaalada ceerigaabo kuwaasoo iyagu iskood isaga bedelay
ka dib markii ay dhibaatooyin badan kala kulmeen lacagta somali
shilling
maaha markii ugu horaysay ee ay dhibaatooyin noocan oo kale ah kala
kulmaan dadka ku dhaqan magalada ceerigaabo lacagta somali shilling,
waxaana ay dadka reer ceerigaabo mudahaarado iyo banaan baxyo ay kaga
soo horjeedaan lacagta Somali shilling ay hore uga dhigeen magalada
ceerigaabo xiligii xukuumadii Madaxwayne Daahir Riyaale Kaahin oo ay
doonayeen in lagu bedelo lacagta Somaliland shilling ayaan cidna dheg
jalaq u siin ilaa iyo haatan mana muuqato qorshe lacagta lagaga
bedelayo magalada ceerigaabo
xaaladan cakiran ee diidmada qayb ka mid ah lacagta shilling ka
Soomaaliga ah ayaa waxay ku soo beegmaysaa xili ay jiraan warar
sheegaya in guud ahaan degaamada soomaliya ay soo galeen lacago la
foojari ah oo la soo daabacay, kuwaasoo halis iyo khatar ku noqon kara
guud ahaan dhaqaalaha bulshada
isku soo wada duuduuboo saamaynta iyo daabacaada lacagta shilling ka
Somaliga ah ayaa u muuqata mid halis ku ah bulshada adeegsata maadama
aanu jirin bangi dhexe oo la socda, waxaana dhowr mar loo soo daabacay
sifooyin sharci darro ah,
hadaba wixii warar ah ee ka soo kordha armahan lacagta waxaan
saacadaha soo socda idiin soo gudbin doonaa warbixino iyo waraysi aan
diirada ku saarayno saamaynta ay lacagtani ku yeelan karto bulshada
reer ceerigaabo iyo nawaaxigeeda
WAJAALE NEWS DESK
HARGEISA OFFICE