Hanfada anigaa noqdee
Horeba waa tii la yidhi
Hubsiimo la’aan naftaa
Haydaar dheer ka ridoo
Halista kama baaqatee
Hoheey Anigaa deg degay
Humaag baa ii baxoo
Hilaac beenaan arkoo
Anaa Hogol aan da’ayn
Horseed li’I geedigii
Hayaankaygii ku raray
Hodmaye hadal iyo dhammaan
Maxay hiirtaanyo qaban
Hagaagii Anaa nacoo
Hareer maray waanadii
Had iyo goor la I lahaa
Hankaygiyo garashadii
Wuxuu I hogaamiyaba
Habeen qudha kama fikirin
Hantaaqaad kala kulmiye
Wixii iga gaadhay hawl
Haduunbaan garanayaa
Habaw soconaayo’oo
Halawsan in aan ahaa
Runtiina hortayda timid
Ha yeeshee waxa la yidhi
Hidiyo dhaqankeenii hore
Hadhuub caanaha la dhacay
Hanbada dabadeed la qabay
Halmaan hadal kuma jiree
Wuxuu hamigaygu yahay
Habsami socodkii khaldamay
Hadeerto in aan saxoon
Horwayntaydii ku furo
Hir doogliyo hadhac qabaw.
Waa Gaaxdii iyo Midhihii Abwaan Muhaaid Cabdi Muxumed Yuusuf (Cabdi Madoobe )