Hargeysa : Dhakhaatiirka Cisbitaalka Qudus oo ku guulaystay Qalliin halis ah iyaga oo Hooyo Bukaan ah Caloosheeda ka soo jaray Buro wayn oo Culayskeedu yahay 6 Kiiloo.

Hargeysa (Wajaale News)- Cisbitaaalka Qalliinka iyo Daawaynta Al Qudus ayaa Maanta soo bandhigay Qalliin dhinaca Caloosha ah kaasi oo ah Buro aad u wayn oo Caloosha ka soo baxday Hooyo Xannuunsanaysa,  Buradan oo  Culayskeedu yahay 6Kiiloo ayaa Cisbitaalku aanu haba -yaraatee laga qaadin wax lacag ah Hooyadan ayaa  Buradan la il darnayd Muddo Toban Sanno ah.  Sida ay sheegeen Masuuliyiinta iyo Dhakhaatiirta Cisbitaalka Al Qudus oo Xaruntiisu tahay Magaalada Hargeysa, Buradan oo ka soo baxday Caloosha Hooyada Bukaanka ah  ayaa qalliinkeedu uu socday Muddo Seddex Saacadood ah, waxana  fuliyay Dhakhtar Ruushiyaan ah oo lagu Magacaabo Dr. Amiir Rakhfanoof oo ku takhasusay Qalliinka isla markaana ka mid ah Dakhakhaatiirta Ruushiyaanka ah ee ka hawl gala Cisbitaalkaasi.

Ma aha Qalliinkii ugu horeeyey ee noocan oo kale ah oo uu Cisbitaalkaasi fulliyey, hasa yeeshe, waxa kan ka horreeyey Qalliino kale oo uu cisbitaalku uu fulliyey, sida uu sheegay Prof. Cabdi Jaamac oo ka mid Masuuliyiinta Cisbitaalka Qudus oo Maanta la Hadlayay Telefishanka Madaxa Bannaan ee Bulsho Tv, waxa uu sheegay in Qalliinkan aanay wax lacag ah ka qaadin ee ay si bilaash ah u fulliyeen, sidoo kale qalliinkani aanu ahayn kii ugu horeeyey noociisa oo cisbitaalkoodu uu fuliyo.

Telefishanka Madaxa Bannaan ee Bulsho Tv oo Maanta halkaasi booqday waxa isaguna la hadlay Dhakhtar Abdalla Ahmed oo ka mid ah Masuuliyiinta ugu saraysa Cisbitaalka Qudus, ayaa isaguna geestiisa sheegay in qalliinkan ay fuliyeen Khubaro dhinaca qalliinka ah oo uu isagu dibada ka keenay si ay Bulshada Reer Somaliland uga caawiyaan cidii ka cabanaysa dhinaca qallinada.

Dr. Amiir Rakhfanoof waa Dhakhtarkii fulliyay Qalliinka, waana Dhakhtar Ruusiyaan ah oo ka mid ah Dhakhaatiirta ka hawl gasha Cisbitaalka Qudus. Dr. Ammiir Rakhfanoof, waxa uu sheegay in ay ku guulaysteen Buradan kana gooyeen Caloosha Hooyadan Bukaanka ah oo ka cabanaysay Muddo Toban Sanno ah,

Ugu dambayntii mid ka mid ah Ehelka Gabadhan la qalay ayaa Telefishanka uga sheekeeuyey Mudadii ay Xannuunkaasi la il darnayd..  waxa uu sheegay in Muddo Toban Sanno ah ay Hooyadani ka cabanaysay dhibta buradaasi isaga oo u Mahad naqay  Masuuliyiinta Dhakhtar Qudus oo aan wax lacag ah ka qaadin ee ugu fullliyay si Mutadacnimo ah.

Wajaale News Desk

Hargeysa / Somaliland