CEERIGAABO(W,N)-Madaxweyne ku-xigeenka Jamhuuriyadda Somaliland Muddane Maxamed Cali Aw Cabdi iyo waftiga  u hoggaaminaayo ee safarka shaqo u joogay maal-mihii u dambeeyey Gobolka Sanaag ayaa maanta goob-joog ka noqdey oo ka qayb-galay munaasabad ballaadhan  oo ahayd mid lagu qaramaynaayey qaybtii u horaysay ee Ciidanka madaniga iyo gadiidkoodii dagaalka,

Madaxweyne ku-xigeenka JSL iyo Taliyaha Ciidanka  Qaranka JSL  ayaa ciidamada u qaabiley si kal furran, waxaanay u sheegaan inay kamid yihiin saacada laga bilaabo Ciidanka Qaranka JSL.

Xukuumada  WADDAJIR iyo WAX-QABAD   iyadoo fullinaysa ballan-qaadkii hore ee ahaa inay qaramayn doonta ciidamada madaniga ah, ayaa waxaa ay  maanta Qarameysay  wajigii koobaad ee Ciidamadaas, iyadoo maal-maha soo socda la qarameyan  doonno cutub-yo kale oo kamid noqon doona ciidanka Qaranka JSL.