Hargeysa (WJN)- Kulan balaadhan oo mudo laba cisho ah u socday Suxufiyiinta ka hawl gala Websit-yada, islamarkaana lagu naaqishayey tayaynta iyo qaabka ay u shaqeeyaan warbaahinta Onlen-ka ayaa waxaa maanta lagu soo gaba-gabeeyay magaalada Hargeysa.

Kulankan oo ay si wadajira isaga kaashadeen Wasaaradda arrimaha dibadda Somaliland iyo Ururka Suxufiyiinta ee Solja ayaa waxaa xidhitaankiisa hadalo dar-daaran ah iyo guubaabo ah ka jeediyay Masuuliyiin ka socda Wasaarada arrimaha dibada, xubno ka mid ah ururka Solja.

Tobabarkan waxaa muddadaasi labada cisho ah ka qayb-qaadanayay ilaa 40 ka mida suxufiyiinta ka hawl gala Website-yada ee ka hawlagala gudaha magaalada Hargeysa.

Ugu danbayntii tabobarihii bixinaya duruustaasi Cabdi Casiis Haaruun ayaa gaba-gabadii kulanka la dar-daarmay suxufiyiinta shirkaasi u dhamaaday in ay ka faa’iidaystaan duruustii ay barteen mudada labada cisho ah ee uu socdo kulankaasi.

Wariye: Xamse Jirde

Wajaalenews.net

Hargeysa Office

Wajalenews@gmail.com