Muqdisho (WJN)- Madaxweynaha dawladda federaalka ah ee Soomaaliya Maxamed Cabdilaahi Farmaajo ayaa sheegay in dowladdiisu ay diyaar u tahay in ay qaaddo tallaabo kasta oo lagu qancinayo shacabka Somalialnd.

Madaxweyne Farmaajo oo boggiisa Twitter-ka qoraal soo dhigay ayaa waxa uu xusay in dowladda uu hogaamiyo ay diyaar u tahay in la lafaguro oo miiska wadahadalka lasoo dhigo waxkasta oo lagu kasban karo kalsoonida shacabka Somaliland.

Hadalka madaxweynaha Soomaaliya ayaa kusoo beegmaya xilli madaxweynaha Somaliland uu munaasbaddii 26-ka Juun xalay ka sheegay in dowladda Soomaaliya ay qaadeeyso tallaabooyin cadaawad muujinaya, isagoo sheegay in xukuumadda Farmaajo cunaqabateyn kusoo rogtay deeqihii ay beesha Caalamka ka heli Jirtay Somaliland.