Hargeisa(WJN):- Gariir xoogbadan ayaa lashegeegay  inuu ku dhuftay  Waqooyiga  Japan  Salaasadii Maanta .

Dhulgariirkan ayaa lasheegay inuu  burbur soo gaadhsiiyay  qalab qaboojiyayaal ah oo dhexyaallay Warshadda Nuclear ka Japan.

Dhulgariirkan oo cabbirkiisu gaadhayay 7.4 Magnitude  ayaa lasheegay inuu sababay sidoo kale Sunami  ka kacday badda , oo ku koobnayd intii uu dhulgariirku saameeyey.

Isla goobtan ayay ahayd  markii 2011 ay  ka kacday sunami  khasaare badan geysatay , balse wararku waxay sheegayaa, inaanay jirin illaa iyo hadda wax dhimasha ah  oo lasheegay inuu sababay  dhulgariirkani.

Dhulgariirkan ayaa laga dareemay goobo badan oo kamida dalka sida Tokyo, dadka kafaalloda cilmiga culuumta dhulka ayaa sheegay  dhulgariirkani inuu aad ugu xoog badnaa o kaliya  xeebta Fukushima oo ah meesha uu kadhacay.

Sunami dan kacday ayaa wararku sheegayaan inay gaadhaysay 1.4 Meters (4.5 feet), waxaana uu soo gaadhay dhulal ay kamid yihiin  Sendie , oo qiyaastii 70km u jirta  xeebta Fukushima.

Hargeisa office
wajaalenews.net