Sahra yar waxay ahayd  gabadh yar oo lix sano jir ah, waxay dhiganaysay  dugsiga hoose gaar ahaa fasalka koobaad ama uulada,  inta badan  macalimiinta dugsiga waxay ku wacygi geliyaan ardayda  , in ay nadaafada ku dedaalaan,  haday noqoto dharka ay xidhanayaan , haday noqoto dhinaca cidiyaaha iyo cadayga ilkahaba  ,

Intabadana waxa dhacda in sabti kasta marka safka lagu jiro cidiyahooda aad loo hubiyo inay ku bexeen iyo in kale ,

Haddaba sahra yar iyadoo ka war qabta qofka cidiyo lagu arko ganaaxa iyo ciqaabta uu la kulmayo , way  ka taxadiri jirtay, , hooyadeedna waxay u sheegi jirtay inay jimce kasta ka gurto , nasiib daro hooyadeed waxay ilowday maalin jimce ah , sahrana cidiyihii

baa ku baxay ,waxaanay is aragtay iyadoo joogta iskuulka  , ardaydiina la hubinayo cidiyahoodii iyo nadaafadoodii , in kastoo kuwii cidiyaha lahaa  ul ama dhenged lala dhacayey,  sahra yar aad iyo aad bay u naxday waxaanay ka cabsatay usha lala dhacayo ardaydii dhegeeda ahaa,

Aad  fikirtay , waxay go’aansatay in ay ilkaheeda iskaga gurto cidiyaha  si ay uga bad-baado usha xanuunkeeda , waanay iska wada gurtay dhamaan cidiyihii,

Markii la soo gaadhay halkii ay ka  taagneyd safka  ee la eegay cidiyaheed waxba waa laga waayey , waana la dhaafay  ileen ilkaha ayey iskaga wada gurtee,

Gurigoodii markay timid ayey hooyadeed uga sheekaysay sidii ay u xalisay ugana bad baaday ushuu xanuunka kululayd ee ardayda cidiyhaa dhaadheer lala dhacayey

WQ: Kamaal Xassan Isaaq

Tell:  00252-63-4402758

kamalcadow@hotmail.com

Hargeysa Somaliland