GABILEY(Wajaalenews)  Maalintii Shalay ee ku beegnayd  3/5/2016 ayay  Bulshada Danyarta ah ee Magaalada Gabiley  ayaY  Todabadii Subaxnimo ula dhaqaaqeen Kaadhadh Maalmo ka hor la siiyay Dayrka Wayn ee Shirkada Tilifoonada  Telsom ku leedahay duleedka  bari ee Magaalada Gabiley oo ahayd goobta loo cayimay in lagu qaybiyo raashinka mucaawinada ah .

Bulshada Danyarta ah ayaa u xaqiijisay Shabakada Wararka ee WajaleNews in ay kala kulmeen Gudida Abaaraha heer Qaran oo uu horkacayo Wasiirka Diinta Sheekh  Khaliil wax ayna  Ka filayn  oo looma fadhi ku noqotay iyagoo sheegay in loo qaybiyay raashin qoysku ku noolaan karo Sideed iyo Afartan Saacadood oo kaliya .

Oday Xaamud Ismaaciil oo ka mida Danyarta ayay Shabakada Wararka WajaleNews  waydiisay sida uu arko  dhacdadan waxuu yidhi . Adeer waad aragtaa in dharkaygu qoyan yahay  waxaana meesha ka dhacay  danbi aan loo duqaadi karin Todobadii Subaxnimo safkaan galay ayaan ku gaadhay Sadexdii Galabnimo  Roobna wuu nagu da”ay  iyadoo nalagu maaweelinayay in  kolba meesha uu  marayo  naloo sheego markii danbana waxaa la I siiyay Kiilooyada aad arkayso .

Goob joogayaal ku sugnaa goobta loo cayimay in raashinka mucaawinada ah lagu siiyo Bulshada Danyarta ah   oo tiradooda lagu qiyaasay 2500 Qoys  ayaa noo xaqiijiyay in Bulshada Danyarta ahi kala kulmeen habsan saacado badan qaatay oo raashinka mucaawinada ah ku yimid iyadoo Maamul xumo baahsani ka muuqatay hab  Maamulka Gudida Abaaraha Heer Qaran oo Wasiirka Diintu horkacayo .

Sidoo kale  mid ka mida Bulshada Danyarta ayaa noo xaqiijay in safkii ay galeen gudaha dayrka Shirkada Telsom Todobadii Subaxnimo raashinkii mucaawinada ahaa la keenay Sadexdii Galabnimo intaa ka dibna  la boobay  oo dad aan kaadhadh haysani ay raashinkii qaateen sidaana qayb ka mida danyartii  iyagoo faro madhan   ku soo noqdeen guryahoodii  waa yaabka yaabkiiye waxay danyartu u qaadan waa ku waa noqotay raashinka mucaawinada loogu keenay oo ah mid qosku ku noolaan karo Laba caano maal.

Maamul xumadan baahsan ee ka muuqata habka qaybinta Raashinka Mucaawinada ah ayaa ah mid marag cad looga dhigi karo dhaliilaha dul hoganaya Gudida Abaaraha Heer Qaran gaar ahaan Masuulka Goobta ku sugnaa ee Wasiirka Diinta iyo Awqaafta iyadoo dhaliishan  ay la wadaagaan Maamulka Gabolka iyo Maamulka Dagmada Gabiley  Madax Dhaqmeedka iyo dhamaan Wax Garadka Bulshada Gobolka Gabiley ee goobta ku sugnaa .

WAJAALENEWS DESK

GABILEY OFFICE