Hargeisa (Wajaalenew):-Wasiir ku xigeenka Wasaaradda Caafimaadka Somaliland Xasan Daahir Dhimbiil oo warbaahinta la hadlay, ayaa sheegay inay ka hawl galeen xanuunkaasi oo ay xakameeyeen, isaga oo sidoo kalena sheegay inay kooxo u direen qoxoontiga ka soo degaya dekedda ee soo gaadhay dalka.

“Arrintan ka soo cusboonaatay Kaam-barwaaqo oo ka mid ah Gobolka Gabiley, waa dad laga helay cudurka jadeecada, markiiba wasaaradda caafimaadku way ka hawl gashay maadaama oo ay masuul ka tahay dhinaca caafimaadka, waxaanu u dirnay koox aqoon yahan ah oo soo hubisa cudurkaasi inta uu leegyahay iyo wixii laga qaban lahaa cudurkaasi, waxaana dhiigagii laga qaaday 11-qof, laba ka mid ah ayaana la ogaaday inay qabaan cudurka jadeecada,

maadaama oo la ogaadayna waxa loo diray deegaankaasi kooxo talaala oo wasaaradda caafimaadka ah, kuwaas oo ah wixii ka yaer da’da 15-sanno, waxaanu sidoo kale dirnay koox ka shaqeeya baahiyaha deegaankaas, kuwaas oo lagala xidhiidhayo wixii soo cusboonaada, hadda waxaanu haynaa 2-qof oo cisbitaalka jiifa, kuwaas oo aanu dawadoodiii geynay gabiley, arrintu way xadidan tahay hadda, waxaana ku dhintay laba qof oo is dhalay ILAAHAY ha u naxariisto”

Wajaalenews,net
Hargeisa Office
Reporter: Abdiqadir Abdirahman Habane