GABAY DUCO BAROOR-DIIQ

Magaca: Buhaankii lawada raacsanaa

Gabaygan waxaa tiriyey Abwaan Sacad Axmed Xasan-roodhiile oo ugu baroor-diiqaya marxuum Diiriye oo Boobe yuusuf ducaale aabo u ahaa, kuna geeriyooday magaaladda Djibouti oo caafimaad loogeyey, taariikhda 28/3/2015ka.

1. Bogga fayska-buug goor dhexgalay, aniga oo booqday
2. Bilowgii ogaalkay badqabid, naxay war kaa baase
3. Baarrigii ilaah oofsadiyo, beerki kugu yaaley
4. Boobow adduun belo jirtaan, ruuxna baal marine
5. Amba baarax uma ladin hurdada, maalintu baxaye
6. Si uun bay barkimodii ahayd, soo baraarugiye
7. Si uun baan bullaalow ahaa, baahsan oo wadhane
8. Si uun baan cabdow baal u qoyey, balaf anoo mooday
9. Boobe oo safaarigi xidhna, ma i bildhaamaayey!
10. Xusuusta qalbigu soo burqaday, belel dareenkayga
11. Ba’da gabay bisinka aan cuskaday, ducada oo buuran
12. Baroor-diiq tacsidan aan baxshiyo, beladan loo joogo
13. Baxsan hooyadiisii jeclayd, samirka waa beere
14. Barbaartana intaa nool ilaah, beri ha noo daayo
15. Cawil khayr leh rabbow noo bedela, nagu bannaanaaye
16. Buuggiyo qoraalkaan arkaba, boobe sumadiisa
17. Sow boos qalbiga aan ka dhigo, iguma biiraayo
18. Barbaartuna sidoo kale ayay, tahay bahdaydiiye
19. Adna beydadkaad marisay baa, boog isii qodaye
20. Goortaan xusuustaba boggay, talo miyeey baahday
21. Bariidiyo xidhiidhki bulshadda, boholyow saaxiibo
22. Buhaankii lawada raacsana, baaxaddii maqane
23. Diiriyana barwaaqada ilaah, waa bustaan gudhine
24. Badhtankii jannada midho ku yaal, toggaga oo buuxa
25. Yaa baari qabrigii u nuur, deeq adaa bixine
26. Baryadaada kama caajisnee, waa bushaarada e
27. Barkhad iyo wanaag lagu galbiye, barakadii eebbe
28. Caalaamka barsaqa caadilkeen, kugu badhaadhsiiye
29. Adiga oo gugaagii badnayn , mawdkan kula booday
30. Adduun bilicdi way gaaban tee, aakhiro badbaado

Alle ha u naxariisto, Aamin aamin

INAA LILAAHI WA INAA ILAAHU RAAJICUUN