Waxa aan halkan kaga jawaabayaa,maqaal xagxagsho ah oo Mid kamid ah

dadka fikirka gaaban wataa uu ku maagay Wasiirka Wasaarada Maaliyada

Cabdicasiis Maxamed Samaale horena, usoo ahaa Gudoomiye Kuxigeenkii

koowaad ee Golaha Wakiilada islamarkaana, kaalin laxaad leh kasoo

qaatey aasaaskii Xisbiga Kulmiye waagii seeska loo dhigay,isagoo

kaambeynadii adkaa iyo ololihii Siyaasada Xisbiga ee sanadkii 2002dii

soo bilaabmay laga soo bilaabo doorashadii Golayaasha deegaanka ee

diimasambar 15keedii qabsoontey sanadkaasi,isagoo soo qabtey Hormuudka

kaambeynadii Kulmiye(Campain-manager),iyadoo xiliyadaa dad badani ku

miraaqoon jireen kuna majeerteen inay xubno ka noqdaan Xisbiga Kulmiye

khudbadihii wanaagsanaa,ee Samaale sida kalsoonida leh ugu jeedin

jirey taageerayaashii koobnaa ee Kulmiye taas oo Xisbiga Kulmiye usoo

hoysay guulo la taaban karo maadaama Kulmiye noqdey Xisbiga kaalinta

labaad ku guuleystey dalka oo dhan ururadii bilowga siyaasada

Somaliland ee usoo baxay Xisbinimada waxa kale oo xusuus mudan doorkii

weynaa ee Samaale kulahaa tartankii doorashadii Madaxtooyada ee

sanadkii 2003dii bishii abril ka qabsoontey Somaliland taas, oo ay

kuwada tartameen Madaxweyne Siilaanyo iyo Daahir Rayaale Kaahin

Xisbiga Kulmiyena guusha lagaga qaatey 80 cod oo kaliya,iyadoo aan la

halmaami karin doorkii kale ee uu kulahaa tartankii Doorashada ee

Golaha Wakiilada sanadkii 2005tii,markaas oo uu doorashadaas ka keenay

guul balaadhan oo shacbiga reer Somaliland wada xasuusan yihiin inta

maskaxda fayoobi marka dib loo milicsado khudabdihiisii qiimaha lahaa

ee uu ka jeedin jirey fagaare kasta iyo goob kasta oo Xisbigu ka hadlo

isagoo kaga duwanaa wakhtigaas,guud ahaanbii murashaxiintii ku

tartamayay doorashada Golaha Wakiilada ee reerkooda oo kaliya codadka

ka doonayay waxa uu isagu cod ka helay shacbiga ku nool Gobolka

Maroodi/jeex oo cidkastaba lahaa waxaanay taasi u gashey Taariikhda

wanaagsan ee uu Xisbigiisa ugu kasbay khudabadaha iyo lahadlka

dadweynaha oo qeyb weyn ka ah kaalinta ololaha Siyaasada, sikasta oo

ay arimahaa aan soo sheegnay yihiin Cabdicasiis Maxamed Samaale,waxa

uu kamid ahaa shakhsiyaadkii koobnaa ee ay Xukuumadii Rayaale ee Udub

la gashey dagaalka goonida ku ah oo xataa qoyskiisa saamaysay hadana

mar kaliya lagama dareemin in uu dabciyo mowqifkiisa iyo mabdi,iisa

siyaasiga ah marnaba lagama dareemin aarsi iyo cuqdad uu ka kasbadey

dagaalkaa culus ee lala soo galay, laakiin waxa mar kasta ka muuqata

dhinac kasta oo siyaasadiisa laga jaleeco kalsooni badan oo shakhsi ah

iyo hankiisa siyaasadeed oo u qalma in uu ku kasban karo heer

Madaxweyne maadaama aanu yareysan qof kasta oo han u haya arimaha

Siyaasada, lagana maqal hadalo deelqaaf ku ah shakhsi abaar toos,ah

isagoo rag badan dheer aqoonta fiican ee uu leeyahay,diinteena suuban

ee islaamka iyo axaadiista quraanka kariimka ah.

Samaale oo caan ku ah in aanu cidna udaba fadhiisan,badheedhihiisa

siyaasadeed, islamarkaana ixtiraam u muujiyay Madaxweyne Siilaanyo

kadib markii ay soo wada galeen dagaal adag oo siyaasi ah,hadana

majirto inuu doc kale dabada galiyo hadaladiisana waxa uu u muujiyaa

si aan qarsoonayn oo cadaan ah waxana dadka yaqaanaa ku sifeeyeen in

uu kalsooni badan ku qabo naftiisa iyo doorkiisa siyaasadeed intaba

hadii tolkii laga hadlona, majiro cid uu cuqdad gaar ah u haya oo

tolkii ah cid uu soo dhaweeyo iyo wax uu taro mooyaane, laguma sifeyn

karo shakhsi wado qaloocan wax ku doonaya, oo casru jaahiligii oo

kale,wax ku doonaya, isagoo si siyaasad ah iyo kartidiisa iskaga

celiya had iyo jeer Tusaale ahaan Muuse Biixi oo ku yareystey

damaciisa siyaasadeed ee cadceeda ka cad,wajigiisa ayay ku qoran tahey

in uu ka guuleysan doono rag badan waana xubin firfircoon oo

calankiisa siyaasadu taagan yahay,waxaan ugu soo gunaanadayaa

saaxiibkeyga Cabdicasiis Samaale ku sheegaya nin tolkii u muruq weyn

oo libaax u ah ma aha isagu kaad sheegayso nin walba wuu qadariyaa

haduu yaryahay iyo haduu weyn yaheyba,ixtiraam badanbaa loo hayaa oo

wanaag badan baa loo hayaa oo waxtar badanbaa loo hayaa oo majirto in

cid tolkiis ah oo xyumaan u quudheysa,mana noqon waligii ninkii

layidhi Magacaagu yuu noqon mid xyumaan kamara kaca murjinkaagu yuu

noqon magli dila walaalkii midigtaadu yay noqon mid tolkeed u

muruqweyn waligiina noqon maayo,e ee saaxiib sheeg cida intaasba hore

ugu sifowdey waligeedna ahaan doonta,waxey aniga ila tahey in Muuse uu

qabey bisad balse uu libaax ku noqdey Cabdicasiisna waa nin kalsooni

ka haysta tolkii iyo bulshada Somaliland naftiisana kalsooni ku qaba

oo aan boog iyo nabar midna Lahayn .

Axmed Suufi Jaamac(daacad)

Hargeysa Somaliland