Hargeysa(Wajaalenews)-Qeybo badan oo kamid ah Siyaasiyiinta ayidsan iyo

taageerayaasha Xisbi Xaakimka Kulmiye ayaa, wakhti xaadirkan siweyn

uga walaacsan faragalinta dhinaca shacbiga kaga timid Xisbi Xaakimka

Kulmiye kadib markii marar badan ay dhinaca Xisbiga iyo awooda

Madaxweynaha ka suurtagashey in dhaqdhadhqaaq ka madax banaan Arimaha

Siyaasada loo tix galiyo duruufaha isabdel ee Xisbiga Kulmiye.

Dadka had iyo jeer faaleeya Arimaha Mustaqbal ee Siyaasada Xisbiyada

Somaliland gaar ahaana Xisbi Xaakimka Kulmiye oo mudadii Madaxweyne

Siilaanyo gacanta ku hayay Hogaanka talada dalka marar badan uu

kuyimid isabadelo hor leh oo ka fogeeyay Xisbigaasi taageeradiisii

baaxada laheyd islamarkaana, kala kexeeyay dhinacyadii isku gaashaan

buureystey Xisbigaasi ee lagu muquuniyay awoodii Xukuumadii hore ee

Xisbiga Udub ayaa, wakhtiyadan dambe u muuqda mid maalinba maalinta ka

dambeysa Siyaasadiisu xaadhxaadhaneyso gagi madhan iyadoo, had iyo

jeer ka shidaal qaadata siyaabihii burburka iyo kala dhaqaaqa ku

keenay Xisbigii Udub marka aynu ka Tusaale qaadano Doorashadii Golaha

Wakiilada ee 2005tii ka dhacday dalka waxay astaan u aheyd jabkii

Xisbiga Udub kala kulmay Doorashadii dambe iyo jiritaankiisii

Xisbinimo kadib markii Madaxweynihii hore ee Somaliland Daahir Rayaale

Kaahin tix galin badan siiyay dhinaca Ganacsatada islamarkaana, uu

hoosta dhigay fikirkii Siyaasiyiintii buddhiga adkaa ee Xisbigaasi

waxaanay aakhirkii,saamayn ku yeelatey guuldaradii kutimid iyo

jiritaankii Xisbiga Udub labadaba.

Hadaba marka dib loo tix raaco raadadka mudooyinkii u dambeeyay iska

daba marey Xisbiga Kulmiye ee uu hore u hogaamin jirey Madaxweyne

Siilaanyo marka hoos loogu dhaadhaco xaqiiqooyinka raadadkii

khilaafkiisu daarnaa mudada badan,waxad moodaa in uu maalmahan dib

usoo istaadhmey dabkii hurin jirey khilaafka Kulmiye iyadoo, dad

badani la yaabanaayeen soo dhexgalkii Ganacsatada Somaliland qaar

kamid ah iyo rag gacan yare u ahaan jirey Xisbigii Udub ee Madaxwene

Rayaale hogaamin jirey sida Cali Gobanimo oo kale taas oo marka si

dhab ah loo eego sooyaalkii Taariikheed ee Xisbi Xaakimka Kulmiye oo

ay aasaaskiisa iyo kamid ahaanshihiisa qeyb ka ahaayeen Aqoonyahan

badan Siyaasiyiin door ah oo magac iyo miisaan ku leh doorka Siyaasada

dalka,iyadoo ay dadka Xisbigaasi lasocda waayaha uu soo marey iyo

marxaladaha uu kasoo gudbay,nusqaan u arkayeen in uu talada Kulmiye

Madaxweyne Siilaanyo ku ixtiraamo ama u wakiisho xalinta

khilaafaadkiisa Shakhsiyaad aan Bulshadu u arkin in ay door ku yeelan

karaan ama fursad ku helay saaxiibtinimo shakhsi in ay ka dhex

muuqdaan kaalinta Xisbiga waxaanay taasi u muuqataa in Mustaqbalka ay

raad weyn ku yeelan karto hadii aan la daba qaban jiritaanka Xisbiga

Kulmiye, laakiin marka dib loo raadraaco khilaafkii mudada soo

jiitamey ee u dhexeeyay hogaanka Xisbiga Kulmiye iyo Xubno kamid ah

Golaha Wasiirada Xukuumada waxa muuqatey in Gudoomiyaha Xisbiga

Kulmiye Muuse Biixi Cabdi taageero badan ka haystey shacbiga uu kasoo

jeedo oo la barbar joogsadey in Murashaxnimadiisu tahey mid muqadas ah

oo ka dareen celinayaan diidmada Madaxweyne Siilaanyo diiday

qodobkaasi haseyeeshee, waxey taaso mar kaliya isbadeshay kadib markii

Gudoomiyaha Xisbiga Kulmiye Mujaahid Muuse Biixi Cabdi uu kalidii

qaatey go,aan aanu kala tashan taageerayaashiisa diideyna in uu

faafaahiyo nuxurka tanaasulka uu bixiyay iyadoo ay taa u wehelinaysay

qodob siweyn loogaga biyo diiday oo ku Xidhiidhsanaa in Wasiirkii

jagadiisa u waayay in uu barbar joogsado Muuse Biixi ee Dr Maxamed

Cabdilaahi Cumar in aanu Muuse ka qeyb galinin heshiiskii dhex marey

isaga iyo Madaxweyne Siilaanyo taas oo ay dadka qaarkii uga Tusaale

qaateen in uu Gudoomiyaha Xisbiga Kulmiye isagu dameystey laakiin aanu

hoos u eegin in uu heshiiskiisa uu lagalay Madaxweynaha shuruud kaga

dhigo doorkii Dr Maxamed Cabdilaahi Cumar Wasiirkii hore ee Ganacsiga

iyo Maalgashigu qeyb ka noqdo iyadoo arintaasi xoojisey fikir ay dad

badani ka qabeen in aanu Muuse Biixi(Gudoomiyaha Xisbiga

Kulmiye),marnaba tixgalinin rabitaanka Taageerayaashiisa iyo mowqifka

Siyaasiyiinta barbar joogsada ee Saaxiibka dhow yihiin.

Sikastaba ha ahaatee,waxey arimaha Wakhtigan kasioo cusboonaaday Xisbi

Xaakimka Kulmiye mugdi badan galinayaan rajada inta ku hadhsan

Xisbigaasi oo aanay intooda badani raali ka aheyn in mar labaad lasoo

ciyaarsiiyo Siyaasadii Hogaanka Xisbiga Kulmiye ku damacsanaa in lagu

jiidhsiiyo damaciisa Xubnaha Golaha dhexe ee Xisbiga iyo Xubnaha

Gudida Fulinta iyadoo, aan la qabanin tartan xalaal ah iyadoo marka

dhinac kale laga daah furona u muuqaneysa in Madaxweyne Siilaanyo

sigaar ah u khiyaameeyay taageerayaashiisa iyo Xubnaha Xisbigaasi

kuwaas oo aan intooda badan aaminsaneyn in Madaxweynuhu ka tanaasulayo

Murashaxnimada uu mararka badan iclaamiyay,iyo aqlabiyada Xisbiga oo

hada kujira Golaha Xukuumada oo aan iyaguna raali ka aheyn hogaanka

Xisbiga,waxaanay xiligan dad badani isweydiinayaan hadiiba ay hogaanka

Xisbiga usoo baxdo fursad uu Madaxweyne Siilaanyo ka aqbalo dad dibada

ka ah Xisbiga sida ay ugu suurtagali karto in uu mar labaad kusoo

ceshado taageerayaashiisii hore ee ka biyo diiday aamuska iyo

isgarbintii ay kala kulmeen Muuse Biixi.

Gabagabadii hadii ay u dhacaan arimaha qaarkooda sida ay hada wadaan

rag ganacsato ah iyo gacanyarayaashii kusoo caan baxey Siyaasadii

Daahir Rayaale ee Udub waxa ay dad badani aaminsan yihiin in Xisbiga

Kulmiye u xuubsiiban doono Siyaasad cusub oo god madow ku ridaysa

rajadiisa Siyaasadeed taas oo ay mar walba kaga lib heli doonaan

Axsaabta Mucaaridka ah qaarkood oo aan layareysan karin wakhti

xaadirkan doorka ay ku leeyihiin giraanta Siyaasadeed ee isabadelada

Arimaha Siyaasada.

Cabdiraxmaan Nuux Axmed(hiiraan)

Email:hiiraan2007@gmail.com