Hiigsashada horumarka ummadeed iyo Qaran waxaa la gaadhi karaa oo kali ah marka laga xoroobo ku dhaqanka iyo Kool-koolinta Qabyaalada iyo

> Qabiil jeclaysiga. Haddaba, horumar maxaa la odhan karaa? Haddii aynu

> dib ugu noqono labada erey ee ay ugu yeedhaan reergalbeedku oo kala ah

> “ Culture” oo qolooyinka Jarmalku hormoodka u ahaa ay u isticmaali

> jireen iyo “ Civilization” oo iyana ay u adeegsadaan qolooyinka kale

> ee uu Faransiisku hogaaminayey. Dhinaca kale , qolooyinka carbeed ama

> afka carbeed ayaa waxay ku tilmaamaan Horumarka inuu yahay ; Xadaarad,

> Saqaafa iyo Madaniya.

>

> Haddaba, raasamaalka ummadi ay ku horumari kartaa waxaa lagu tilmaamaa

> inay ka mid yihiin: Dhul, Dadka iyo wakhtiga. Dhinac kale haddii aynu

> ka eegno haddii ay ummadi hesho shantan qodob ee soo socda waxaa la

> saadaaliyey in ay gaadhi karto horumar taama. Waxaana kamid ah

> qodobadaa; 1) Dhul: laga faaidaysto waxa gudihiisa ku jira iyo waxa

> dulsaaranba. 2) wakhtiga : wakhtiga oo laga faaidaysto oo aan la

> lumin 3) Dadka: dadka oo fakira oo aqoontooda ka faaideeya 4) Maamuul

> dawladeed: inuu jiro nidaam maamul oo shaqaynayaa 5)

> Taabacaad/Ogolaanshiyo: dhaqan ogol ashyaada ama qodobada aynu soo

> sheegnay.

>

> Haddii aynu dib u milicsano qodobadaa aynu sare kusoo xusnay , waxaa

> ugu muhiimsan uguna horeeya in ay leedahay ( Human resources) dad

> cilmi, aqoon iyo xirfado leh oo si wadajir ah uga hawlgala

> wakhtigoodana u hura horumarka dalkooda . tusaale haddii aynu usoo

> qaadano Dalka Japan malaha wax khayraad dabiiciya (Natural resources)

> haddana, waxa uu kamid yahay ama uu kujiraa safka hore ee wadama

> hogaaminaya horumarka aduunka. Waxaana uu dhab ahaan ka faaidaystay

> dadkiisa oo la yimid midnimo iyo iskaashi iyaga oo adeegsanaya

> xirfadahooga aqooneed.

>

> Dhinac kale , horumarka waxaa cadawga kowaad u ah Qabyaalad oo iyana

> dhasha tafaraaruq ku yimaad bulsho-waynta guud ahaan , natiijadeeduna

> ay ku dambayso dib u dhac dhinac walba leh oo saamayn kakan ku yeesha

> bulshada guud ahaan iyo waliba carqalado ku yimaad habsami u socodka

> hawlaha dawladnimo.

>

> Sidaadarteed, haddii aan usoo noqdo ujeedada aan kalahaa maqaalkaygan

> ee igu kalifay inaan ummadda usoo bandhigo waxay tahay; arimaha

> baryahan dambe rag waaweyn oo aqoon iyo cilmiba u saaxiib ah loona

> baahnaa inay dalkooda iyo dadkooda ugaga faaideeyaan, ayaa waxaa kasoo

> burqanaaya odhaahyo iyo abaabulo qaloocan iyo xulafaysi qabyaaladaysan

> oo ah runtii foolxumo shacabkani ka korey oo hadda ay ka bogsadeen

> boogihii dhaawac ee hore ugasoo gaaadhay . 16 August 2014 cabaaro 10

> kii aroornimo ayay ku beegnayd markii rag Dhakhaatiir iyo Aqoon-yahan

> kaleba lahaa iyaga oo jooga hoteelka SABA ee magaaladan Hargeisa ay

> ku mashquulsanaayeen hab-dhaqankan khariban ee aynu sare kusoo xusnay,

> waxay ahaayeen ragaasi Indheer-garadkii dalka ee loo baahnaa in ay ka

> qayb qaataan horumarka balaadhan ee xawliga ku socda ee ay hormoodka

> ka tahay Xukuumadda uu gadhwadeenka ka yahay Madaxweyne Axmed Maxamed

> Maxamud ( Siilaanyo) .

>

> Gabagabadii; waxaan hambalyo u dirayaa shacabka Somaliland ee jecel

> in ay ka qayb-qaataan horumarka dalkooda ka socda islamarkaana aan

> dhagaysan hadimooyinka qabyaalada ku dhisan ee ay la dhex-wareegayaa

> ashkhaasta horumarka ku bukoota. Halyeeyada Xukuumada Axmed Siilaanyo

> ee Horumarka balaadhan dalkooda u hureyna waxaan leeyahay hambalyo

> halkaa kasii wadda.

>

>

>

> Wabilllahi tawfiq

>

> Cabdirasaaq Askar

>

> Hargeisa,Somaliland