Qoryoolay(WJN)Wararka aan ka heleyno Degmada Qoryooley ee Gobolka Shabeelaha Hoose ayaa sheegaya in maanta DagaalyahanO katirsan Al-Shabaab jidka u galeen gaari jaad ka qaaday Deegaanka Janaale kuna sii jeeday Degmada Qoryooley.

Dagaalyahanada Hubeesan ee Al-Shabaab katirsan ayaa la sheegay in gaarigan jaadka u waday Degmada Qoryooley ay ku fureen rasaas xoogan taa oo keentay in ay ku geeriyoodaan labo qof oo gaariga jaadka waday saarnaa .

Al-Shabaab ayaana gacanta ku dhigay gaarigii jaadka waday iyagoona xiligaa kadib dab qabad siiyay sida ay kuwarameen dad goob joogayaal ah oo kusugan Deegaano u dhaxeeya Degmada Qoryooley iyo Janaale.

Gudoomiyaha Degmada Qoryooley ayaa Warbaahinta Muqdisho u xaqiijiyay in Al-Shabaab ay dileen labo qof oo rayid ah kuwaa oo lasocday gaari jaad u waday Qoryooley, waxa uuna intaa raaciyay in Al-Shabaab ay dab qabadsiiyeen gaarigaasi .

Al-Shabaab ayaa horey u mamnuucay jaadka , waxa ay marar kala duwan Gobolada Dalka ay ka joogaan ay ku gubeen gaadiid jaad u siday degmooyin iyo deegaano ay gacanta ku hayaan Ciidamada Dowlada iyo kuwa AMISOM.

Wajaalenews.net

Hargeisa/office