Sheeko kale Keen: Cid Aan Ehel U Ahayn!

Cabdisalaam Yaasiin

Xadiis uu Imaam Bukhaari soo saary, oo uu weriyay Abuu Hurayre, waxa uu inoogu sheegay, “In iyada oo Rasuulki, Naxariista iyo Nabadgelyada Eebbe Kor Kiisa Ha Ahaatee, uu hadal  u jeedinayo qaar ka mid ah Asxaabtii, nin reer miya ahi u yimi oo uu weydiyay: Waa goorma saacaddu?” Oo macnaheedu yahay, goormaa saacaddu dhacaysaa? Ama goormaa dunada la duubayaa?

Rasuulki (NNEKHA) markiiba uma jawaabin ee hadlkii ayuu si waday. Asxaabtii dhegaysanaysay qaar waxay u qaateen in uu su’aasha ninka reer miyiga ah maqlay aanu se jeclaysan. Qaarna waxay u qaateen in aanu su’aasha ninka reer miyiga maqlin.

Muddo ka dib se, markii uu Rasuulki (NNEKHA) hadalkiisii dhameeyay, ayuu yidhi, “Mee ninkii saacadda i weydiiyay?” Ninkii wuxu ugu jawaabay. “Wa i kan, Rasuul Allow.”

Raasuulki (NNEKHA) wuxu yidhi, “Haddii ay dayacanto amaanadu, saacadda filo.”

Ninki wuxu Rasuulka (NNEKHA) u celiyay, “Sidee ayay u dayac maysaa amaanadu?”

Rasuulki (NNRKHA) wuxu yidhi, “ Haddii talada loo dhiibo cid aan ehel u ahayn, saacadda filo!!!”