GABILEY(W,N)-Madaxwaynaha jsl cabdiraxmaan cirro iyo wafti uu hogaaminayay oo kazoo labatay safar uu ku tagay gobolka awdal ayaa maalintii shalay galinkii danbe soo aadhay magaalo madaxda gobolka gabiley halkaasi Qasriga madaxtooyada gabiley uu kulan kula qaatay madaxdhaqameedka gobolka.

Madaxwayne cirro iyo bahda dhaqanka gobolka gabiley ayaa ujeedadan kulankoogu ahaa isbarasho iyo sidii reer gabiley madaxwaynaha ugu soo gudbin lahaayeen dareenkooga, wada shaqanta xukuumada iyo bahda reer gabiley.

Madaxweynaha Jamhuuriyadda Somaliland, Muddane Cabdiraxmaan Maxamed Cabdilaahi (Cirro) oo isaga iyo wefti uu hoggaaminaayey oo safar shaqo kaga soo laabtay Magaalada Boorama ee xarunta Gobolka Awdal, ayaa Qasriga Madaxtooyada Gabiley kulamo goonni goonni ah kula yeeshay qaybaha kala duwan ee bulshada Gobolka Gabiley.

Madaxweynaha oo ay wehelinayaan Guddoomiyaha Xisbal-Xaakimka Waddani, Guddoomiye ku xigeenka 2-aad ee Golaha Wakiillada, xubno ka mid ah Golaha Wasiirrada, Afhayeenka Madaxweynaha, Taliyeyaasha Ciidamada Booliska iyo Asluubta, Madaxda Gobolka Gabiley iyo kuwa Degmada, Xildhibaanno iyo Haldoor kale, ayaa kulammo kala duwan la yeeshay Madaxda Dhaqanka ee Gobolka, Dhallinyarada, Aqoonyahanka iyo Haweenka reer Gabiley, waxana hormuudka bulshada gobolka ee Madaxweynuhu la kulmay ay Madaxweynaha la wadaageen aragtidooda la xidhiidha horumarinta Gobolka iyo meelaha u baahan in muhiimad gaar ah la siiyo.

Madaxweynaha oo si hufan u dhegaystay soo jeedimihii qaybaha bulshada Gabiley ee uu la kulmay, ayaa sheegay in uu weelaystay soo jeedimaha ay u soo gudbiyeen, islamarkaana uu si buuxda ula shaqayn doono Haldoorka, Waayeelka iyo Haweenka uu la kulmay.