Sannadihii  ugu  danbeeyey  waxa  isbaddel  weyni  ku  yimidey  siyaasada  iyo  amniga  Geeska  Afrika.  Hogaamiyayaasha cusub  ayaa  keenay  dib  u  habeynta  iyo  isbahaysiga  siyaasadeed  ee  gobalka  oo  dhan.  Dagaallada degaanka   ayaa  sababay  dhimashada  kumanaan rayd  ah  iyo  barakaca  kumanaan  kale. Malaayiin  qof  ayaa  wajahaya  cunto  yari  ba’an  oo  ka  jirta   guud  ahaan  gobalka. Weerrarada  ay  xuutiyiinta  Yemen ku  qaadeen  maraakiibta  isaga  kala  gooshta  marin-biyoodka   Bab-al-mandab  ayaa  sidoo  kale  diirada  saaray  badda  cas  oo ah  goob  istaraatiijiyadeed.

Isbaddelada  la  taaban  karo  ee   sanadihii   ugu  dambeeyey tan  iyo  2018-kii  waxa  isbaddel  weyni  ku   yimid  guud  ahaan   gobalka   khaasatan  waddamada   Ethiopia,   Sudan,   Somalilia,   Somaliland  iyo  Djabouti  oo  yaalla  barraha   ugu muhiimsan,  Wadanka  Djabouti  oo   kale  waxa  uu  ka  qayb  ahaa   curashada   Geeska  cusub,  Dhinaca  Xiisada  hada  taagan   ee   ay  sababeen  Xuutiyiinta   yemen  ayay  marti-galisay   ciidamado  shisheeye  oo   badan.  Mareykan,  Shiinaha,  iyo Faransiiska  dhamaantood  waxay  sal-dhigyo   ciidan  ku  leeyihiin   dalkan  yar,   Iyadoo   ciidamo   ay   joogaan ,  Eritrea   oo  uu   hoggaamiyo   Isaias  Afwerki  oo  ka  mid   ah   madaxda   dalalkooda   inta   badan  ka  tallinayey   ayaa   dhawaasho  lama   filaana   la   yeeshay   wadanka   Ethiopia  sannadkii  2018-kii,  Waxyaabaha  laga  xasuusto  waxa  ka  mid  ah  dagaalkii   waqooyiga  itoobiya  ee  Tigreyga   oo  Afawerki  dhinaca   saarey   xagasha  Abiy  Ahmed,  Oo  xuduudna   waddaaga. Ethiopia   oo geesta   kale   ciyaartay   door  baddalasho   dibloomaasiyadeed  oo  Eriteria  ah   sida  ka  wada   xaallidii   iyo   siintii  dhulkii   ay   isu   murransanaayeen,  Yagoo  ku  go’aan  qaatay   wada  noollaasho ,  tannaasul  danneed   iyo   damiir-san   in   geeska   ay  ku   wada  daganaadaan.

Soomaalliya   ayaa  ah  dawllada   ugu   liidatada   ee   Soddomeeyo  sanno    la  daalaa-dhacaysa  kuna  jirta  diif  iyo  dallan-baabi  araga-gixisenimo,  Isla  markaasina  ay  tahli  kari  waayeen  iney  sameeyaan  dib-u-heshiisiin  iyo  door-u-curasho  dawlladnimo   hana-qaada,   Taa  baddalkeeda  waxay  nasiib  u heleen  in  ciidamo  fara-badan  oo   afrikaan   ahi  (Atmis)  ay  u   joogaan  nabbad  illaalin  iyo  xasilooni,   Wadankan  oo  ugu   taag-daran  wallina  aan  hellin   dawllad  sax  ah,  ayaa   ka  shaqeeya   xasarad  iyo   wanjalka   baddiba   Gobalka  waddamadiisa  yagoo  sidii  duufaantii  ama   dabbaylihii  kolba  gidaar  ku dhaca,  Inkastooy   arrin  xumo   meel   dhigtay   haddana   itaalkii   weynaa   ee  Quruumaha  Midoobey   iyo   Midawga  Afrika  siiyeen   doorka   illaalinta  iyo  dib-u-habaynta   walli  cagihiisa  ayuu   isku   taagi   kari   laayahay.  Dar-xumo   ma  daysee   yadna    Somaliland    ayay   dallacka   haystaa   oo   ku   taalla   Cirriqa   ugu   muhiimsan   isla   gobalka   waa  Gacanka   Cadmeed  (Gulf  Of   Aden),   Kani  oo   isu-xidha    Bab-al-mandab ,  Red  Sea   iyo   Bad-weynta   Hindiya,   Marrinkani  waxa  uu   lee  yahay   istaraatijiyad   isu-xidha  dunnida   inteeda badan,   Haddaba   dawllada  guul-dareystay  ee  Soomaalliya  ayaa  dusha   ka  sheegata  cirriqan   iyo  carradan   ay   kala  taariikhda  yihiin   ee  Somaliland,  Kala  afkaar  duwanaantoodu   waa  ka   qayb  Isbaddelka.

Dhinnaca   khaliijka   iyo   waddamada  carabta  ayaa   Gobalkan  ku  lug   leh  xasiloonidiisa  walliba    waddamada  (Sucuudiga,  Imaaraadka   iyo  Qadar),  Oo  u   soo   tartama  maal-galinta   macdanta,  beerrah,  xoollaha  nool   iyo   qaybo ka   mid   ah   kaabayaasha   dhaqaallaha,    Haddaba   Gobalkani   waxa  uu   caqabad   leeyahay   waa   kheyraadka  ku   guudan   iyo   barrta  uu   dhaco   juquraafi  ahaan,   Shiinaha  laf-ahaantiisu  waa   meesha   kaliyaatee   ee   ka  baxsan   waddankiisa   ee   uu   ciidamo  u   diray   iyo   walliba   inuu   sal-dhig   ka   sameysto ,  Tusaalle  ahaan   waddanka   Djabouti   waxa  uu  ka  yagleelay   sannadkii   2017-kii ,   Waxa   kale  oo  uu  magacaabey  sannadkii2021-kii  Ergey  gaar  u   ah  afrika  dhinaca   dawllada  shiinaha,  Markaa   waa   buq-cad  murraayad  ah   balse  aad  is  odhanayso  waxa  ku nool  duur-joog   aan  dhaadaneyn  nimcada  ku  dhex  dihin  iyo  culluunta  dunta  ee  aradkan    ku   duuggan.Marka   aynu   gobalka   ka   hadlayo   amuurro   ka   amba-qaadey   ama   collaadaha   ka  alloosan   ma,aha   kuwo  u  baahan caadifad,  cunfi,   iyo  indho  cunsirinimo.   Waa   iney  noqdaan   dhaayo   wax   hillaadsha  oo    fahma   humaaga   saxda   iyo   hirku   barta  uu   isugu  imanayo,   Imika   Somaliland   hadii   ay  mar   tallo,  hoge-tusaale  iyo  taamilo-san  ku   noqotay  Jawharad   gobalka   iyo   aduunka  ka   mudhay   waxa  keenay   fahan   dibloomaasiyadeed  iyo   daallacashada  qulluub   daahira   oo   meesha  inta   badan   aaney   garaneyn  Isirrka   ay   ka  soo   jeedaan,   Haddaba   waa  in   lagu   socdaa  toobiyihii  iyo   rastadii   iftiinka   u   aheyd  Somaliland,  Oo  aan   collaadaha   alloosan   lagu   habsaamin   ee  lays   waydiiyaa   maxaa   keenay,  halkaynu  ku  soconaa,  iyo   halkee  baynu  ka  nimidney,   Majaraha  san  iyo  mawjadaha  ay   adduunka   ka   gashona   aan  laga  leein,   Shacabkeeda   mahwiga ah   ee   miidda  u   badanina  kala   gartaan   Dawlladnimada  iyo   Dannaha  in   laysu  cafiyo  oo  laysu   tannaasulo  si   loo   hantiyo   himillo  dajisaneyd.

Qalinka:-   Cabdiraxmaan    Sayid    Faarax  (Jeesto)

Diplomatic   Annalysis

Gabiley/Somaliland.