TACSI MADAXWEYNE: 02/12/2024.

INNAA LILLAAHI WA INNAA ILAYHI RAAJICUUN.

Madaxweynaha Jamhuuriyadda Somaliland, Mudane Muuse Biixi Cabdi, isagoo ku hadlaya magaciisa, ka dawladda iyo ka shacbiga Jamhuuriyadda Somaliland, waxa uu dhambaal tacsi ah u dirayaa, Qaranka Somaliland, shacbiga reer Somaliland iyo Mihnadlayaasha Caafimaadka iyo bahda Suugaanta ee ay ka baxeen Alle ha u naxariistee labada Marxuum ee kala ah;-

1. Marxuum Dr. Axmed Ibrahim Obolos
2. Marxuum Abwaan Maxamed Cabdilaahi Riiraash

oo ku kala geeriyooday xalay iyo saaka oo ay taariikhdu ahayd 02/12/2024, Cusbitaalka Guud iyo Cusbitaalka Gargaar ee caasimada Somaliland ee Hargeysa.

Waxaanu Madaxweynuhu marxuumiinta ku sifeeyey laba oday oo haldoor u ahaa bulshada Somaliland iyo inta ku hadasha Afka Soomaaligaba kana baxay dalka iyo dadka oo ay uga faa’iideeyeen aqoontii ay u lahaayeen dhinaca Dhakhtarnimada iyo Suugaanta.

Madaxweynuhu waxa uu marxuumiinta ALLE uga baryayaa inuu naxariistii janno ka waraabiyo, Mihnadlayaasha Caafimaadka iyo bahda Suugaanta, qoysaskii, ehelladii, qaraabadii, asxaabtii iyo shacbiga Somaliland ee ay ka baxeena samir iyo iimaan saadiqa ka siiyo.

ALLAA MAHAD LEH

Naasir Yuusuf Daahir

Agaasimaha Warbaahinta Madaxtooyada JSL.