HARGAYSA(W,N)-Guddoomiyaha xisbiga WADDANI Mudane Xirsi Cali X Xasan ayaa munaasibad hadhimo sharafeed ah ku maamuusay Madax dhaqameed, aqoonyahan iyo waxgarad kala duwan oo ka soo jeeda beesha reer Shirdoon oo Xisbiga ku soo biiray.

Munaasibadda waxa ka qayb galay musharraxa madaxweyne mudane Cabdiraxmaan Maxamed Cabdillaahi Cirro, guddoomiye ku xigeen Axmed Cumar X Cabdillaahi Xamarje iyo masuuliyiin kale. Oo Madaxda ah ayaa si diirran xisbiga ugu soo dhaweeyay deegaannadan reer Hargeysa ee hore xisbiga Kulmiye u taageerayay haddana dhisaya musharrax madaxweyne Cabdiraxmaan Cirro oo ay ku tilmaameen shakhsi dad isku wad iyo hoggaamin toolmoon ku astaysan.