Lawrence Freeman oo u dhashay dalka Maraykanka oo u dhuun daloola siyaasadda iyo dhaqaalaha Afrika ayaa sheegay in heshiiska Itoobiya iyo Somaliland uu tusaale wanaagsan u yahay horumarka qaaradda.

Itoobiya waxa ay Somaliland la saxeexatay heshiis u ogolaanaya in laga galo iridaha badda. Heshiiska ayaa waxaa u saxiixay Ra’iisul Wasaare Abiy Axmed iyo Madaxweynaha Somaliland Muuse Biixi Cabdi.

Heshiiska ay Itoobiya la gashay Somaliland waxa uu abuuri doonaa faa’iidooyin labada dhinac ah iyo fursado horumarineed oo ballaadhan, sida ay qabaan khubaradu.