“In Taariikhada  kiishka Sonkortu 25kg Ah, Dib Loogu Cabeeyey Ay Khaldan Tahay Oo Ay Tahay  1/10/2023 Halkii Ay Ka Ahaan Lahayd july/2023/ june 2023”Haayada Dhawrista Tayada jsl.

HARGAYSA(W,N)-Haayada dhawrista tayada somaliland ayaa shaaciyay natiijada baadhitaan ay ku samaysay sonkor uu dalka keenay oomaar company taasi oo baraha bulshada aad loogaga faalooday datekeega iyo xiliga ay dalka timid.

Warsaxafadeed kasoo baxay haayada dhawrista tayada ayaa sidan udhignaa;

War-Saxaafadeed

 31/10/23

 Ref:-002-10-23

Ujeedo: War-Saxaafadeed

Hay’adda Dhawrista Tayadda Qaranku waxa ay bulshada uga masuul tahay ilaalinta badqabka iyo caafimaad Ka bulshada Somaliland.Hay’adda Dhawrista Tayadda waxa dhawaan soo gaadhay sonkor ay bulshada ka cabatay taas oo bulshada tuhun ka galay sida ay dalka ku soo gadhay.sidaa dardeed waxa aanu bulshada la wadagaynaa xogta sonkortas iyo tayadeeda

• Hay’adda Dhawrista Tayadda waxa ay bulshada u cadaynaysa in ay Sonkortu ku timid 50kg, taaso soo martay Dekeda Berbera isla mrakana lagu sameyay baadhis.
• Xadiga Sonkorta shirkadu lasoo degtay waxa uu dhamaa 293 container oo ka kooban 158,220 kiish oo 50kg ah , taarikhda ay sonkortu dalka soo gaashay waa 7/10/2023 Taarikhda ay so baxdayna waa june/2023 iyo july 2023,halka taarikhda ay dhacaysayna ay tahay june/2026 .

Hay’adda Dhawrista Tayadda iyadoo tix galinaysa cabashadii bulshada waxa ay qaaday talaabooyin kale duwan si waafaqsan xeerka Hay’adda Dhawrista Tayadda.

1.Waxa anu baaadhis (vissual inspection) ku samaynay  dhamanaan bakharada ay leedahay shirkadu ee ku yaal  Hargeysa iyo Berbera.

2.Waxa aanu ka qaadnay sonkor  muunad ah (sample) si loogu soo baadho Shaybaadhka hubinta tayada ee Hay’adda Dhawrista Tayadda.

 Natiijonika uga so baxay xafiska hawl-galkan :

Hawlgalkan oo muddo qaatay waxa Hay’adda Dhawrista Tayadda uga soo baxay qodobadan hoos ku xusan.

• Sida ku cad natiijada Shaybaadhka Qaranka ee hubinta tayadda waxa hay’adda u cadaatay in aanay sonkortani wax dhiba aanay lahayn
• In shirkada Ominco Group ay dib u bacayn ku samaysay sonkortii 50kg ahayd taaso ay ka dhigtay  25kg  iyago tixgalinaya awooda bulshada ee ah inaay bulshadu iibsan karin kiishka 50kg ah.
• Shirkadu waxa ay xaq u ledahay in ay 2% badeecadd kasta oo ay laso degayso ay soo raacsato baco madhan ( empty bags) taso ah hadi ay jeexanto, dilacdo in ay ku badashaan kiishashkaas madhan .
• In taariikhada kiishka Sonkortu 25kg ah dib loogu cabeeyey ay khaldan tahay oo ay tahay 1/10/2023 halkii ay ka ahaan lahayd july/2023/ june 2023.
• Gabogabado

Hay’adda Dhawrista Tayadu waxa ay bulshada somaliand u cadanaysaa in sonkorta macluumaadkeedu kor ku xusan yahay ay tahay sonkor aan wax cilada aan lahayn oo ay bulshadu isticmaali karto.

 Allaa Mahad Leh

Agaasimaha Guud ee Haay’adda Dhawrista Tayada ee JSL

Xamse Sul.Aadan Faarax