GAROOWE(W,N)-Wafti Saraakiil Ciidan ah Oo ka socday Dawlada Ethiopia ayaa maanta galinkii danbe magaalada  Garoowe ee maamul Goboleedka Punthland kulan kula yeeshay qaarkamid ah Isimada Dhaqanka SSC kuwaasi oo sida la sheegay Ay ka wadahadleen xaaladda gobolka Sool iyo sidii xal nabadeed loogu heli lahaa.

Wafdigan dawlada itoobiya ka socday oo saraakiil ciidan ah ayaa hore caasimada Hargeysa safar ku yimid iyagoo la kulmay madaxweynaha Somaliland iyo xubno ka tirsan Golihiisa Wasiirrada kuwaas oo iyana ay ka wadahadleen xaaladda Sool.

Natiijada shirarkan ayaan weli la shaacin balse waxa la sheegay in labada dhinacba ay u sheegeen in dagaalka la joojiyo oo miiska wadahadalka laysugu yimaado.

Dhexdhexaadinta Ethiopia ayaa ku soo beegmaysa xilli dhawr maalmood aanu wax dagaal ahi ka dhicin Laascaanood iyo nawaaxigeeda inkasta oo labada Ciidan is horfadhiyaan.