War-saxaafadeed ka soo baxay Wasaaradda Arrimaha Dibadda Somaliland, ayaa lagu sheegay in Somaliland beesha caalamka u xaqiijinayso in Somaliland tahay nabad iyo waddan xasilloon, oo aanay wax shaqaaqo ahi ka taagnayn waqti xaadirkan, sidoo kalena xuquuqda distuuriga ah ee muwaadiniintu ilaashantahay.

Waxa sidoo kale war-saxaafadeedka Ayaa lagu sheegay in xukuumadda hadda Somaliland ka jirtaa tahay mid sharci ah oo qaab dimuqraaddi ah iyo doorasho lagu soo doortay.

War-saxaafadeedkani wuxuu soo qaatay shirkii wasiirrada ee u dambeeyey, oo lagu go’aamiyey in doorashada lagu qabanayo jadwalka Komishanka Doorashooyinku asteeyey.

Ugu dambayn, war-saxaafadeedkani wuxuu ugu baaqay mucaaridka iyo muwaadiniintaba inay shuruucda dalka u taalla raacaan, oo ay ka digtoonaadaan wax kasta oo khalkhal galinaya xasilloonida dalka sida qoraalka lagu sheegay.