Aqoonyahan Ibraahim Suldaan Cabdiraxmaan oo kamid ah haldoorka Dhalinyarada reer Somaliland ayaa booqasho ku tagay magaalada gabiley isaga iyo dhalinyaro kale oo reer gabiley ah.

Hadaba Ibraahim suldaan cabdiraxmaan oo ka dareen celiyay waxa uu kusoo arkay gabiley ayaa sidan qoray;

Meyor Mohamed-Amin Omer Abdi iyo dhamaan golaha deegaanka ee Gobolka Gabilay waan uga mahad celinaynaa waqtiga qiimaha badan ee ay na siiyeen, Waan uga mahadcelinaynaa warkii iyo wacaashii ay nala wadaageenba. waxay na saartay masuuliyad goor iyo goob kasta aanu xasuusnaan doono.

Horumar wayn oo u baahan in la sii taageero oo la sii tabantaabiyo ayaa ka socda guud ahaan gobolka, waanan hambalyaynaynaa qof kasta oo gacan ka gaystay, laakiin wali qof kasta wuxuu uga baahan yahay inuu kaalintiisa buuxiyo oo doorkiisa qaato.

Si gaar ah waxaan u bogaadinaynaa dhamaan masuuliyiinta Xarunta buugta qaranka ee Gabiley oo ku foogan hawl qarankoo dhan micne wayn u leh.

Bulshada reer Gabiley waxay leedahay NALA SOO DAG GABILEY AAN WAX KU BARNO ADNA WAX KAA BARANEE.

Qalinkii; Ibraahim Suldaan Cabdiraxmaan